Lamu marang masam maram dap ni shabra ai, shata 6 e go marang lo dik ai lado rai nna, hkauhting hkauna hkan hkai nmai hkai ai ni, moru tsin-yam hpe htang maja na bungli galo du ra ai.

    Sau chyinghkrang hte hkunhkro ai bo hkai nmai ni.

    Ya ten hta go sau chyinghkrang hte hkaulan nkau rai n shu la shi nga ai, dai majo jan mai ai ten hta lawan wan shu la ra ai. Kung sai hkainu ni mung lawan wan sa do la ra sai.

    Namlap simai

    1. Hka hkong mase nna hka shalui kau. 

    Hka hkong mase bungli galo shaja nna, hka lui manu na hku galo da ra ai, hkauna ko ying nga ai hka ni hpe mung hka marop jak hte marop kau ra ai, dai hku rai yang she hkai nmai tu wumja wa na matu ama hkam lu nga ai.

    2. Jau ko nna kung sai kahkum n gyin ni hpe di la kau ra ai.

    Hka tsin-yam hkrum loi ai shara hkan na hkai nmai ni hpe lawan shu la kau yang she hkai nmai ni hpe n jahten hkra nga ai. Shing rai namlap simai ndai ni hpe lawan ai ladat hku nna gat de dut shalai ra ai.

    3. Hkau na hkan na namlap simai ni hpe atsom gon lajang ra ai. 

    Tsinyam hkrum ai hpang lawan ai ladat hku nna hkai nmai hpe madi shading la, ana kap ai namlap ni hpe tsan la kau, namlap hkan bang ai bo namhpun ni gat nna, hkai nmai shu la na  aten loi sha na ra ai. Bai nna hka n ying wa na matu kinsim hte magap nna marang htu hkra na hpe htang kau ra ai, nta dinghku hta ja gumhpro manu ai ni go shingtai sat tsi ni mung galang mi lu gat kau yang gaja nga ai.

    4.Hkau na pa na maza mala sanseng  galo du ra ai. 

    Tsinyam hkrum ai hpang go hkau na pa hkan maza mala nga ai majo, maza mala ni shong san seng kau ra ai, shing rai yang she  hkai nmai ni mung shingtai shing ko ni nau n sha nna hkai nmai gaja nga ai.