法律法规傣语-德宏民语文网

芒市公安机关

开展暑期道路交通安全专项整治行动通告

ᥘᥣᥭᥰ ᥘᥣᥖ ᥛᥩᥐᥱ ᥜᥣᥭᥱ ᥐᥣᥢ ᥐᥧᥒ ᥟᥣᥢ ᥝᥥᥒᥰ ᥛᥫᥒᥰ ᥑᥩᥢᥴ ᥘᥣᥖ ᥘᥭᥲ ᥕᥧᥱ ᥑᥣᥝᥰ ᥙᥩᥭᥱ ᥓᥣᥱ ᥛᥫ ᥑᥤᥒᥱ ᥛᥭᥲ ᥙᥩᥒ ᥐᥣᥢ ᥝᥨᥢᥳ ᥛᥥᥰ ᥜᥣᥭᥱ ᥑᥨᥢᥴ ᥖᥣᥒᥰ ᥐᥣᥱ ᥛᥣᥰ ᥞᥬᥲ ᥙᥣᥖ ᥙᥥᥱ ᥘᥢᥳ

为进一步加强辖区道路交通秩序管理，预防和减少暑假期间涉及未成年人道路交通事故的发生，全力加强暑假期间道路交通安全管控，全面保障未成年人出行安全，有效防范和化解未成年人驾驶摩托车、电动车导致的安全风险隐患，芒市公安机关决定自7月15日起至8月30日止在全市范围内组织开展暑期道路交通安全专项整治行动，现将有关事项通告如下：

ᥐᥩᥙ ᥘᥭᥲ ᥓᥣᥙ ᥗᥦᥢᥲ ᥗᥤᥒᥰ ᥐᥩᥢᥰ ᥞᥬᥲ ᥑᥨᥢᥴ ᥖᥣᥒᥰ ᥐᥣᥱ ᥛᥣᥰ ᥘᥬᥰ ᥟᥣ ᥘᥣᥙ ᥘᥭᥳ ᥘᥭᥲ ᥓᥩᥛᥰ ᥗᥝᥴ ᥓᥩᥛᥰ ᥞᥩᥭ, ᥞᥥᥳ ᥜᥣᥒᥳ ᥙᥭᥱ ᥞᥬᥲ ᥘᥧᥐ ᥟᥩᥢᥱ ᥟᥥᥴ ᥗᥣᥝᥱ ᥕᥧᥱ ᥑᥣᥝᥰ ᥙᥩᥭᥱ ᥓᥣᥱ ᥛᥫ ᥑᥤᥒᥱ ᥛᥭᥲ ᥘᥭᥳ ᥙᥨᥝᥱ ᥟᥣ ᥕᥥᥰ ᥚᥥᥰ ᥐᥣᥰ ᥑᥨᥢᥴ ᥖᥣᥒᥰ ᥐᥣᥱ ᥛᥣᥰ, ᥟᥣᥳ ᥛᥣᥳ ᥑᥣᥛᥱ ᥞᥬᥲ ᥘᥧᥐ ᥟᥩᥢᥱ ᥟᥥᥴ ᥗᥣᥝᥱ ᥟᥩᥐᥱ ᥞᥫᥢᥰ ᥟᥩᥐᥱ ᥕᥥᥰ ᥐᥣᥱ ᥘᥤ ᥛᥣᥰ ᥞᥩᥖ ,ᥘᥩᥖ ᥚᥥᥰ. ᥞᥥᥳ ᥜᥣᥒᥳ ᥘᥧᥐ ᥟᥩᥢᥱ ᥟᥥᥴ ᥗᥣᥝᥱ ᥔᥤᥱ ᥛᥨᥝᥲ ᥗᥨᥝᥲ , ᥘᥦᥒᥴ ᥖᥦᥢᥱ ᥖᥧᥒᥱ ᥓᥫᥰ ᥘᥭᥳ ᥞᥦᥴ ᥙᥨᥝᥱ ᥙᥥᥢ ᥟᥣ ᥕᥥᥰ ᥚᥥᥰ ᥑᥩᥒᥲ ᥖᥨᥝ, ᥜᥣᥭᥱ ᥐᥣᥢ ᥐᥧᥒ ᥟᥣᥢ ᥘᥬᥰ ᥝᥥᥒᥰ ᥛᥫᥒᥰ ᥑᥩᥢᥴ ᥛᥐᥴ ᥖᥤᥢᥱ ᥘᥧᥐ ᥛᥫ 2024 ᥙᥤ ᥘᥫᥢ 7 ᥘᥭᥲ 15 ᥝᥢᥰ ᥖᥥᥰ ᥗᥪᥒᥴ ᥘᥫᥢ 8 ᥘᥭᥲ 30 ᥝᥢᥰ ᥕᥧᥱ ᥘᥬᥰ ᥝᥥᥒᥰ ᥛᥫᥒᥰ ᥑᥩᥢᥴ ᥘᥭᥳ ᥓᥧᥳ ᥘᥧᥛᥰ ᥙᥩᥒ ᥞᥥᥖᥱ ᥘᥩᥒ ᥓᥦᥖ ᥔᥣᥳ ᥝᥨᥢᥳ ᥛᥥᥰ ᥜᥣᥭᥱ ᥑᥨᥢᥴ ᥖᥣᥒᥰ ᥐᥣᥱ ᥛᥣᥰ ᥞᥬᥲ ᥙᥣᥖ ᥙᥥᥱ ᥘᥭᥳ, ᥕᥣᥛᥰ ᥘᥭᥳ ᥘᥣᥖ ᥛᥩᥐᥱ ᥞᥬᥲ ᥖᥒᥰ ᥘᥣᥭᥴ.

一、整治重点

ᥙᥫᥒ ᥘᥫᥒ、ᥖᥤ ᥘᥐᥴ ᥝᥨᥢᥳ ᥛᥥᥰ

（一）重点区域。农村、城郊结合部重点违法突出、事故高发区域。

ᥘᥫᥒ ,ᥖᥤ ᥘᥐᥴ ᥝᥨᥢᥳ ᥛᥥᥰ ᥘᥬᥰ ᥛᥣᥢᥲ ᥔᥨᥢᥴ, ᥓᥥ ᥝᥥᥒᥰ ᥖᥒᥰ ᥘᥬᥰ ᥛᥣᥢᥲ ᥔᥨᥢᥴ ᥔᥣᥙᥱ ᥐᥢ ᥘᥭᥳ ᥔᥦᥢᥰ ᥙᥨᥝᥱ ᥛᥤᥰ ᥛᥥᥝᥰ ᥚᥤᥖᥴ ᥜᥤᥒᥲ ᥚᥤᥖᥴ ᥙᥦᥒ ᥞᥨᥝᥲ ᥓᥣᥐ ᥞᥨᥝᥲ ᥘᥦᥒᥴ , ᥙᥨᥝᥱ ᥘᥩᥒ ᥛᥧᥰ ᥘᥛᥴ ᥘᥢᥳ.

（二）重点路段。普通国省道、县乡村安全防护设施缺失路段，村组公路通往国省道平交路口，急弯陡坡、临水临崖路侧防护设施缺失路段及团雾冰雪凌冻、事故和交通违法多发路段。

ᥔᥩᥒᥴ, ᥖᥤ ᥘᥐᥴ ᥑᥨᥢᥴ ᥖᥣᥒᥰ. ᥑᥨᥢᥴ ᥖᥣᥒᥰ ᥘᥨᥒᥴ ᥑᥐ ᥘᥬᥰ ᥔᥫᥢᥰ ,ᥘᥬᥰ ᥖᥫᥒᥰ ᥐᥣᥰ, ᥑᥨᥢᥴ ᥖᥣᥒᥰ ᥘᥬᥰ ᥔᥦᥢᥱ ᥘᥬᥰ ᥔᥦᥒ ᥘᥬᥰ ᥛᥣᥢᥲ ᥔᥨᥢᥴ ᥓᥫᥰ ᥟᥛᥱ ᥛᥤᥰ ᥑᥫᥒ ᥞᥥᥳ, ᥑᥨᥢᥴ ᥖᥣᥒᥰ ᥘᥬᥰ ᥛᥣᥢᥲ ᥔᥨᥢᥴ ᥔᥤᥐᥴ ᥑᥝᥲ ᥑᥨᥢᥴ ᥖᥣᥒᥰ ᥘᥨᥒᥴ ᥑᥐ ᥘᥬᥰ ᥔᥫᥢᥰ , ᥘᥬᥰ ᥖᥫᥒᥰ ᥐᥣᥰ, ᥑᥨᥢᥴ ᥖᥣᥒᥰ ᥘᥨᥒᥰ ᥐᥩᥒᥰ ᥒᥩᥐᥴ ᥞᥦᥒᥰ, ᥑᥨᥢᥴ ᥖᥣᥒᥰ ᥞᥤᥛᥰ ᥘᥩᥭ ᥓᥢᥰ ᥓᥫᥰ ᥟᥢ ᥟᥛᥱ ᥛᥤᥰ ᥑᥫᥒ ᥞᥥᥳ ᥜᥣᥒᥳ ᥟᥥᥐᥱ ᥖᥒᥰ ᥑᥨᥢᥴ ᥖᥣᥒᥰ ᥛᥥᥝᥰ ᥓᥦᥒ ᥑᥝᥰ ᥟᥫᥛᥲ ᥖᥒᥰ ᥖᥨᥐᥱ ᥘᥣᥭᥰ ᥖᥨᥐᥱ ᥛᥨᥭᥴ, ᥑᥨᥢᥴ ᥖᥣᥒᥰ ᥓᥫᥰ ᥐᥭᥳ ᥙᥨᥝᥱ ᥟᥣ ᥕᥥᥰ ᥚᥥᥰ ᥐᥣᥰ ᥓᥫᥰ ᥘᥭᥳ.

（三）重点时段。重要节点、重大活动，农村赶街赶集、婚丧嫁娶、民俗活动，周末以及雨雾等恶劣天气，每日早5时至8时、中11时至13时、晚17时至凌晨2时等重点时段。

ᥔᥣᥛᥴ, ᥑᥤᥒᥱ ᥑᥣᥢᥰ ᥛᥢᥰ. ᥟᥩᥒᥲ ᥖᥤ ᥘᥐᥴ ᥘᥣᥴ, ᥙᥣᥒ ᥐᥨᥢᥰ ᥑᥩᥢᥲ ᥐᥨᥢᥰ ᥘᥧᥛᥰ, ᥝᥢᥰ ᥐᥣᥖᥱ ᥝᥢᥰ ᥔᥣᥰ, ᥑᥦᥐᥱ ᥘᥤ ᥙᥣᥒ ᥓᥣᥳ, ᥝᥢᥰ ᥖᥥᥱ ᥝᥢᥰ ᥙᥩᥭᥰ, ᥝᥢᥰ ᥘᥫᥲ ᥐᥣᥢ ᥖᥒᥰ ᥜᥣᥳ ᥜᥨᥢᥴ ᥛᥩᥐᥱ ᥟᥫᥛᥲ ᥓᥫᥰ ᥘᥭᥳ. ᥑᥤᥒᥱ ᥕᥣᥛᥰ ᥙᥥᥢ ᥞᥨᥝᥴ ᥘᥬᥴ 5 ᥘᥣᥱ ᥘᥤᥱ ᥗᥪᥒᥴ 8 ᥘᥣᥱ ᥘᥤᥱ, ᥐᥣᥒ ᥝᥢᥰ 11 ᥘᥣᥱ ᥘᥤᥱ ᥗᥪᥒᥴ ᥘᥣᥱ ᥘᥤᥱ ᥘᥫᥒ, ᥖᥣᥛᥰ ᥑᥛ 5 ᥘᥣᥱ ᥘᥤᥱ ᥗᥪᥒᥴ ᥐᥣᥒ ᥑᥪᥢᥰ 2 ᥘᥣᥱ ᥘᥤᥱ ,ᥙᥩᥒ ᥞᥥᥖᥱ ᥐᥧ ᥝᥢᥰ.

（四）重点人群。未满18周岁驾驶摩托车、未满16周岁驾驶电动车、未满12周岁骑行自行车的未成年人，集体出行人员、务工人员等。

ᥔᥤᥱ. ᥖᥤ ᥘᥐᥴ ᥓᥦᥖ ᥔᥣᥳ ᥐᥨᥢᥰᥓᥫᥰ ᥘᥭᥳ. ᥘᥧᥐ ᥟᥩᥢᥱ ᥟᥥᥴ ᥗᥣᥝᥱ ᥓᥫᥰ ᥕᥒ ᥙᥣ ᥘᥭᥲ 18 ᥙᥤ ᥞᥨᥝᥲ ᥛᥨᥝᥲ ᥗᥨᥝᥲ, ᥓᥫᥰ ᥕᥒ ᥙᥣ ᥘᥭᥲ 16 ᥙᥤ ᥞᥨᥝᥲ ᥘᥦᥒᥴ ᥖᥦᥢᥱ ᥖᥧᥒᥱ, ᥓᥫᥰ ᥕᥒ ᥙᥣ ᥘᥭᥲ 12 ᥙᥤ ᥔᥤᥱ ᥘᥦᥒᥴ ᥖᥤᥢ ᥓᥫᥰ ᥘᥭᥳ, ᥓᥫᥰ ᥙᥥᥢ ᥜᥧᥒᥴ ᥙᥥᥢ ᥓᥧᥛᥰ ᥟᥩᥐᥱ ᥐᥣᥱ , ᥓᥫᥰ ᥐᥣᥱ ᥞᥥᥖᥱ ᥐᥣᥢ ᥓᥫᥰ ᥘᥭᥳ.

（五）重点违法。酒驾醉驾、无证、超速、超载、超员、违法载人、涉牌涉证、不系安全带、骑乘摩托车不戴安全头盔、不按规定车道行驶，电动自行车逆行、闯红灯、不在非机动车道行驶等易肇事肇祸交通违法。

ᥞᥣᥲ, ᥓᥫᥰ ᥖᥤ ᥘᥐᥴ ᥚᥤᥖᥴ ᥜᥤᥒᥲ ᥙᥦᥒ. ᥐᥤᥢ ᥘᥝᥲ ᥛᥝᥰ ᥘᥝᥲ ᥞᥨᥝᥲ ᥐᥣᥰ, ᥕᥒ ᥛᥤᥰ ᥘᥣᥐ ᥛᥣᥖ ᥐᥣᥰ, ᥞᥨᥝᥲ ᥑᥢᥴ, ᥖᥣᥒᥱ ᥐᥧᥢᥱ ᥘᥛᥴ ᥐᥣᥱ, ᥖᥣᥒᥱ ᥐᥨᥢᥰ ᥘᥛᥴ ᥐᥣᥱ ,ᥚᥤᥖᥴ ᥜᥤᥒᥲ ᥖᥣᥒᥱ ᥐᥨᥢᥰ, ᥞᥥᥖᥱ ᥛᥤᥐ ᥞᥥᥖᥱ ᥘᥣᥐ ᥛᥣᥖ ᥛᥥᥝᥰ ᥚᥣᥒᥰ, ᥕᥒ ᥞᥖ ᥔᥣᥭᥴ ᥟᥣᥢ ᥔᥦᥢᥳ ᥖᥣᥭᥱ, ᥔᥤᥱ ᥛᥨᥝᥲ ᥗᥨᥝᥲ ᥕᥒ ᥔᥧᥙᥴ ᥛᥨᥝᥱ ᥞᥨᥝᥴ, ᥕᥒ ᥓᥩᥛᥰ ᥔᥥᥢᥲ ᥖᥣᥒᥰ ᥛᥐᥴ ᥛᥣᥭᥴ ᥞᥨᥝᥲ ᥙᥭ, ᥟᥛᥱ ᥓᥩᥛᥰ ᥗᥝᥴ ᥙᥦᥒ ᥞᥨᥝᥲ ᥘᥦᥒᥴ ᥖᥦᥢᥱ ᥖᥧᥒᥱ ,ᥔᥤᥱ ᥘᥦᥒᥴ, ᥚᥣᥱ ᥔᥦᥒᥴ ᥜᥭᥰ ᥘᥦᥒ, ᥕᥒ ᥔᥤᥱ ᥘᥦᥒᥴ ᥘᥬᥰ ᥑᥨᥢᥴ ᥖᥣᥒᥰ ᥘᥦᥒᥴ ᥓᥫᥰ ᥘᥭᥳ .ᥚᥤᥖᥴ ᥜᥤᥒᥲ ᥙᥦᥒ ᥙᥭ ᥖᥣᥒᥰ ᥓᥣᥒ ᥐᥭᥳ ᥙᥨᥝᥱ ᥙᥥᥢ ᥟᥣ ᥕᥥᥰ ᥚᥥᥰ ᥐᥣᥰ.

二、整治措施

ᥔᥩᥒᥴ ᥙᥫᥒ、ᥙᥦᥒᥱ ᥕᥣᥱ ᥝᥨᥢᥳ ᥛᥥᥰ

集中整治一批未成年人突出交通安全行为。

ᥞᥨᥛ ᥛᥣᥰ ᥝᥨᥢᥳ ᥛᥥᥰ ᥘᥩᥒ ᥘᥧᥐ ᥟᥩᥢᥱ ᥟᥥᥴ ᥗᥣᥝᥱ ᥚᥤᥖᥴ ᥙᥦᥒ ᥜᥣᥭᥱ ᥑᥨᥢᥴ ᥖᥣᥒᥰ ᥐᥣᥱ ᥛᥣᥰ ᥙᥣᥖ ᥙᥥᥱ ᥘᥢᥳ.

（一）分区域、分乡镇常态化组建执法小分队深入县乡村道、城郊结合部和农村地区，集中查处未成年人违法驾驶电动自行车、无证驾驶摩托车，加大对无牌无证、逆行、违法载人等交通违法行为的查处。

ᥘᥫᥒ, ᥛᥦᥒᥱ ᥟᥪᥒᥱ ᥚᥬᥴ ᥖᥤ ᥛᥢᥰ, ᥘᥬᥰ ᥔᥦᥒ ᥘᥬᥰ ᥓᥫᥢᥱ ᥓᥫᥰ ᥘᥭᥳ ᥓᥧᥳ ᥘᥧᥛᥰ ᥙᥥᥢ ᥜᥧᥒᥴ ᥓᥧᥛᥰ ᥟᥩᥢᥱ ᥐᥣᥱ ᥗᥪᥒᥴ ᥑᥨᥢᥴ ᥖᥣᥒᥰ ᥘᥬᥰ ᥛᥣᥢᥲ ᥔᥨᥢᥴ ,ᥘᥬᥰ ᥔᥦᥒ ᥘᥬᥰ ᥓᥫᥢᥱ , ᥞᥤᥛᥰ ᥑᥩᥙᥱ ᥓᥥ ᥝᥥᥒᥰ ᥓᥫᥰ ᥘᥭᥳ ᥓᥦᥖ ᥔᥣᥳ ᥘᥧᥐ ᥟᥩᥢᥱ ᥟᥥᥴ ᥗᥣᥝᥱ ᥚᥤᥖᥴ ᥜᥤᥒᥲ ᥚᥤᥖᥴ ᥙᥦᥒ ᥔᥤᥱ ᥘᥦᥒᥴ ᥖᥦᥢᥱ ᥖᥧᥒᥱ , ᥕᥒ ᥛᥤᥰ ᥘᥣᥐ ᥛᥣᥖ ᥞᥨᥝᥲ ᥛᥨᥝᥲ ᥗᥨᥝᥲ ᥓᥫᥰ ᥘᥭᥳ ᥐᥧ ᥛᥫ ᥐᥧ ᥝᥢᥰ, ᥓᥣᥙ ᥗᥦᥢᥲ ᥘᥩᥒ ᥓᥦᥖ ᥔᥣᥳ ᥛᥥᥝᥰ ᥞᥥᥖᥱ ᥘᥣᥛᥱ ᥛᥤᥐ ᥖᥒᥰ ᥘᥣᥐ ᥛᥣᥖ ᥐᥣᥰ, ᥕᥒ ᥓᥩᥛᥰ ᥗᥝᥴ ᥙᥦᥒ ᥑᥨᥢᥴ ᥖᥣᥒᥰ ᥙᥭ, ᥖᥣᥒᥱ ᥐᥨᥢᥰ ᥓᥫᥰ ᥘᥭᥳ ᥐᥧ ᥛᥥᥝᥰ.

（二）紧盯夜间重点时段，按照“全覆盖、零容忍、严执法”的总体要求，组织开展“飙车炸街”整治行动，坚持发现一起，打掉一起，并结合查处深挖源头整治，竭力预防减少因飙车导致的道路交通事故，切实做好安全防护和违法打击。

ᥔᥩᥒᥴ, ᥐᥦᥢᥱ ᥘᥐᥴ ᥙᥥᥢ ᥓᥫᥰ ᥘᥐ ᥙᥭ ᥐᥣᥒ ᥑᥪᥢᥰ ᥘᥢᥳ, ᥓᥩᥛᥰ ᥘᥒᥱ ᥘᥩᥒ ᥘᥥᥴ ᥞᥬᥲ ᥞᥥᥖᥱ ᥗᥪᥒᥴ ᥔᥤᥳ ᥖᥤᥳ ᥙᥩᥒ ᥓᥩᥛᥰ ᥗᥝᥴ ᥙᥦᥒ ᥛᥣᥰ ᥝᥨᥢᥳ ᥛᥥᥰ ᥘᥢᥳ ᥙᥬᥳ ᥙᥣᥰ ᥓᥦᥖ ᥖᥨᥭᥰ ᥐᥧ ᥖᥤ, ᥐᥦᥢᥱ ᥘᥐᥴ ᥝᥨᥢᥳ ᥛᥥᥰ ᥓᥫᥰ ᥔᥤᥱ ᥘᥦᥒᥴ ᥙᥦᥝ ᥘᥬᥰ ᥐᥣᥖᥱ ᥘᥬᥰ ᥑᥨᥢᥴ ᥖᥣᥒᥰ ᥘᥭᥳ, ᥟᥥᥐᥱ ᥔᥛᥳ ᥐᥫᥐᥱ ᥞᥩᥛᥰ ᥓᥦᥖ ᥔᥣᥳ ᥗᥣᥝᥴ ᥟᥝ ᥒᥫᥢ ᥒᥝᥲ ᥐᥨᥢᥰ ᥟᥩᥢ ᥞᥥᥖᥱ ᥛᥢᥰ, ᥞᥥᥳ ᥜᥣᥒᥳ ᥚᥤᥖᥴ ᥜᥤᥒᥲ ᥚᥤᥖᥴ ᥙᥦᥒ ᥖᥒᥰ ᥙᥨᥝᥳ ᥖᥨᥙᥱ ᥛᥥᥝᥰ ᥚᥤᥖᥴ ᥙᥦᥒ ᥘᥢᥳ.

（三）针对未成年人易发、多发的交通违法行为进行严格查处，提高管理的针对性和有效性，对查获的未成年人违法驾驶行为，严格做到“三个一律”，一律通知家长；一律通报所在学校或父母所在单位；对将机动车交给未成年人驾驶的，一律从严处罚。

ᥔᥣᥛᥴ, ᥐᥫᥐᥱ ᥞᥩᥛᥰ ᥓᥩᥛᥰ ᥘᥒᥱ ᥘᥧᥐ ᥟᥩᥢᥱ ᥟᥥᥴ ᥗᥣᥝᥱ ᥐᥭᥳ ᥙᥨᥝᥱ ᥘᥩᥒ ᥚᥤᥖᥴ ᥙᥫᥒ ᥗᥝᥴ ᥙᥦᥒ ᥑᥨᥢᥴ ᥖᥣᥒᥰ ᥐᥣᥱ ᥛᥣᥰ ᥘᥭᥳ, ᥗᥪᥒᥴ ᥝᥣ ᥓᥦᥖ ᥔᥣᥳ ᥓᥨᥝᥲ ᥘᥧᥐ ᥟᥩᥢᥱ ᥟᥥᥴ ᥗᥣᥝᥱ ᥚᥤᥖᥴ ᥙᥫᥒ ᥞᥨᥝᥲ ᥘᥦᥒᥴ ᥖᥒᥰ ᥛᥨᥝᥲ ᥗᥨᥝᥲ, ᥔᥧᥲ ᥞᥥᥖᥱ ᥗᥪᥒᥴ ᥘᥣᥖ ᥛᥩᥐᥱ ᥞᥬᥲ ᥙᥨᥝ ᥛᥥ ᥑᥝᥴ ,ᥘᥣᥖ ᥛᥩᥐᥱ ᥞᥬᥲ ᥞᥨᥒᥰ ᥞᥥᥢᥰ ᥛᥣᥝᥱ ᥘᥢᥴ ᥟᥩᥒᥲ ᥐᥣᥢ ᥙᥨᥝ ᥛᥥ ᥕᥧᥱ ᥘᥢᥳ, ᥐᥨᥢᥰ ᥘᥨᥒᥴ ᥓᥫᥰ ᥟᥝ ᥛᥨᥝᥲ ᥗᥨᥝᥲ ,ᥘᥦᥒᥴ ᥖᥦᥢᥱ ᥖᥧᥒᥱ ᥞᥬᥲ ᥞᥨᥝᥲ , ᥔᥧᥲ ᥝᥨᥢᥳ ᥛᥬᥴ ᥞᥦᥒᥰ ᥞᥦᥒᥰ.

三、温馨提示

ᥔᥣᥛᥴ ᥙᥫᥒ、ᥘᥣᥖ ᥛᥩᥐᥱ ᥑᥤᥖᥴ ᥘᥥᥴ

在此，芒市公安呼吁广大家长、学生参与支持并配合交警开展专项整治工作，共同维护我市道路交通安全，温馨提示：

ᥕᥧᥱ ᥖᥤ ᥗᥭᥲ , ᥜᥣᥭᥱ ᥐᥣᥢ ᥐᥧᥒ ᥟᥣᥢ ᥘᥬᥰ ᥝᥥᥒᥰ ᥛᥫᥒᥰ ᥑᥩᥢᥴ ᥞᥩᥒᥳ ᥔᥨᥝᥱ ᥙᥨᥝ ᥛᥥ ᥐᥨᥢᥰ ᥖᥤ ᥞᥫᥢᥰ ᥘᥧᥐ ᥟᥩᥢᥱ , ᥐᥨᥝᥳ ᥜᥫᥐᥱ ᥖᥫᥳ ᥑᥝᥲ ᥖᥒᥰ ᥓᥩᥭ ᥗᥦᥛᥴ ᥐᥫᥐᥱ ᥞᥩᥛᥰ ᥓᥦᥝ ᥓᥤᥢᥰ ᥙᥩᥒ ᥐᥣᥢ ᥝᥨᥢᥳ ᥛᥥᥰ, ᥞᥨᥛ ᥐᥢ ᥑᥨᥛᥱ ᥐᥧᥴ ᥞᥬᥲ ᥑᥨᥢᥴ ᥖᥣᥒᥰ ᥐᥣᥱ ᥛᥣᥰ ᥙᥣᥖ ᥙᥥᥱ ᥘᥩᥖ ᥚᥥᥰ.

（一）请家长管好家里的摩托车、电动自行车和钥匙，严禁将摩托车交由尚未取得摩托车驾驶证的未成年人、严禁将电动自行车交由未满16周岁的未成年人驾驶。

ᥘᥫᥒ，ᥞᥙ ᥞᥬᥲ ᥙᥨᥝ ᥛᥥ ᥐᥨᥢᥰ ᥖᥤ ᥞᥫᥢᥰ ᥘᥧᥐ ᥟᥩᥢᥱ ᥟᥥᥴ ᥗᥣᥝᥱ ᥝᥭᥳ ᥔᥤᥛᥰ ᥐᥤᥴ ᥘᥥᥐᥱ ᥛᥨᥝᥲ ᥗᥨᥝᥲ , ᥘᥦᥒᥴ ᥖᥦᥢᥱ ᥖᥧᥒᥱ ᥘᥤ ᥘᥤ, ᥕᥒ ᥘᥭᥲ ᥟᥝ ᥘᥣᥖ ᥛᥣᥖ ᥞᥨᥝᥲ ᥐᥣᥰ ᥞᥬᥲ ᥘᥧᥐ ᥟᥩᥢᥱ ᥟᥥᥴ ᥗᥣᥝᥱ , ᥕᥒ ᥘᥭᥲ ᥟᥝ ᥘᥦᥒᥴ ᥖᥦᥢᥱ ᥖᥧᥒᥱ ᥞᥬᥲ ᥘᥧᥐ ᥟᥩᥢᥱ ᥟᥢ ᥕᥒᥰ ᥟᥛᥱ ᥙᥣ ᥘᥭᥲ 16 ᥙᥤ ᥘᥭᥳ ᥞᥨᥝᥲ.

（二）教育督促未成年人乘坐摩托车、电动自行车时，按规定佩戴安全头盔、严禁多人骑乘，切勿酒后驾驶。

ᥔᥩᥒᥴ，ᥔᥒᥱ ᥔᥩᥢᥴ ᥖᥒᥰ ᥐᥦᥛᥰ ᥖᥨᥭ ᥘᥧᥐ ᥟᥩᥢᥱ ᥟᥥᥴ ᥗᥣᥝᥱ ᥕᥣᥛᥰ ᥓᥩᥛᥰ ᥔᥤᥱ ᥛᥨᥝᥲ ᥗᥨᥝᥲ ,ᥘᥦᥒᥴ ᥖᥦᥢᥱ ᥖᥧᥒᥱ ᥘᥢᥳ, ᥔᥧᥲ ᥓᥩᥛᥰ ᥗᥝᥴ ᥙᥦᥒ ᥔᥧᥙᥴ ᥛᥨᥝᥲ ᥞᥨᥝᥴ ᥗᥫᥝᥳ ᥑᥧᥭ, ᥙᥭᥱ ᥖᥣᥒᥱ ᥘᥣᥭᥴ ᥐᥨᥝᥳ, ᥔᥦᥢᥰ ᥟᥛᥱ ᥘᥭᥲ ᥐᥤᥢ ᥘᥝᥲ ᥞᥦᥴ ᥔᥤᥱ.

（三）请家长要自觉遵守交通安全法律法规，以身作则，以“文明交通你我同行”的自觉行动为孩子做出榜样。

ᥔᥣᥛᥴ，ᥞᥙ ᥞᥬᥲ ᥙᥨᥝ ᥛᥥ ᥐᥨᥢᥰ ᥖᥤ ᥞᥫᥢᥰ ᥘᥧᥐ ᥟᥩᥢᥱ ᥟᥩᥢ ᥞᥨᥝᥴ ᥓᥩᥛᥰ ᥗᥝᥴ ᥙᥦᥒ ᥜᥣᥭᥱ ᥑᥨᥢᥴ ᥖᥣᥒᥰ ᥐᥣᥱ ᥛᥣᥰ ᥙᥣᥖ ᥙᥥᥱ ᥘᥢᥳ, ᥞᥥᥖᥱ ᥙᥦᥒ ᥕᥫᥒ ᥘᥧᥐ ᥟᥩᥢᥱ .

特此通告

芒市公安局

2024年7月16日

ᥜᥣᥭᥱ ᥐᥣᥢ ᥐᥧᥒ ᥟᥣᥢ ᥘᥬᥰ ᥝᥥᥒᥰ ᥛᥫᥒᥰ ᥑᥩᥢᥴ ᥛᥩᥐᥱ ᥘᥣᥖ

2014 ᥙᥤ ᥘᥫᥢ 7 ᥘᥭᥲ 16 ᥝᥢᥰ