Miwa mung suthpom pati asat tara ari jo tara nambat(9)

  Do gaji sanit Hpongchyom asat tara tot lai ai hpe ari jo ai lam

  №63 Gumrong gumtsa gahkyin ginhkyom tara maka hpe ninghkap,hkan galo shatup lam ninghkap shing nrai madu hku nna pati hpongchyong a ahkyak gaba dodan lam galai kau, shing nrai mu bongban htung masa tot lai, madu hkrai shing nrai masha lahkong masum ni hkrai sha ahkyak gaba mung manghkang dodan re hpe, sadi ga jo shing nrai na-du sadi ga jo ari jo na. Masa na-du ai hpe go, pati hpung gata na aya dom kau ya shing nrai pati n shapro kau ai ya maram ari jo na.

  №64Law tsang pati hpongchyom ni lahta tsang pati hpongchyom ni dodan n hkan galo shatup shing nrai galai kau ai hpe go, teng tok lit la masha hte lit gun ningbo masha ni hpe, sadi ga jo shing nrai na-du sadi ga jo ari jo na. Masa na-du ai hpe go, pati hpung gata na aya dom kau ya shing nrai pati n shapro kau ai yu maram ari jo na.

  №65 Pati hponghyom a mu gam, mu htot, mu galai hkat re dodan ninghkap n hkan galo shatup hkrat wa ai hpe go, sadi ga jo shing nrai na-du sadi ga jo shing nrai pati hpung gata na aya dom kau ya ari jo na.

  Alak re ten lado hta shing nrai kyit dut ai masa gata hta, pato hpongchyom a dodan lam ninghkap n hkan ai hpe go, pati ko nna n shapro kau ai yu maram shing nrai pati jahpan sho kau ya ai ari jo na.

  №66 Seng ang dodan shing nrai bungli lajin hta n hkan ai, lahta tsang hpongchyom de ahkyak gaba manghkang, ahkyak gaba mu lam hpyi shon shana ai hpe go, sadi ga jo shing nrai na-du sadi ga jo ari jo na. Masa na-du ai hpe go, pati hpung gata na aya dom kau ya shing nrai pati hpung n shapro kau ai yu maram ari jo na.

  Lajin lam ko n hkan ai tang shana shing nrai madu gade sa mat wa ai lam hpe hkrak n tang shana ai hpe go, masa loi laja ai rai jang, sadi ga jo shing nrai na-du sadi ga jo ari jo na.

  №67 Lawu de na masa langai wa hkra jang, masa loi laja ai hpe go, sadi ga jo shing nrai na-du sadi ga jo ari jo na:

  1.Tinang seng ai tang shana dodan hpe tot lai nna, n tang shana, hkrak n tang shana ai.

  2.Hpong chyom ni ga sa san, laika hku san ai shaloi, hpongchyom hpang de manghkang lam hkrak n tang shana ai.

  3.Tinang a labau sumhting hkrang ngau hkrak n ka bang ai.

  Tinang a labau sumhting hkrang ngau ni galo gram, pau masu bang re hpe go,na-du sadi ga jo ari jo na. Masa na-du ai hpe go, pati hpung gata na aya dom kau ya shing nrai pati n shapro kau ai yu maram ari jo na.

  Pati hpung shang na shong ko na na-du ai bungli shut mu hpe ip magap ai hpe go, mayu e shapro kau ra sai. Pati hpung shang ai hpang manot masa loi gaja ai hpe go, na-du sadi ga jo, pati hpung gata na aya dom ya shing nrai pati n shapro kau ai yu maram ari jo na.

  №68 Pati hpung masha ningbo ganbu ni seng ang dodan tot lai nna rau buga na masha hpung, jongma manang hpung, hpyen la manang hpung re woi zuphpo galo, hkan shang lom re rai yang, msasa na-du ai hpe go, sadi ga jo, na-du sadi ga jo shing nrai pati hpung gata na aya dom kau ai ari jo na.

  №69 Masha wa hpe asat tara hkan jep hkrum shangun na matu mara gara ko shok mau kau ai hpe go, sado ga jo shong nrai na-du sadi ga jo ari jo na. Masa loi song ai hpe go, pati hpung gata na aya dom kau ya shing nrai pati n shapro kau ai yu maram ari jo na. Masa na-du ai hpe go pati jahpan sho kau ya na.

  №70 Pati masha ni a dodan ahkang, ra lata ahkang hte ra lata hkrum ahkang shanyen ya ai rai yang, masa loi song ai hpe go, sadi ga jo shing nrai na-du sadi ga jo ari jo na. Masa na-du ai hpe go, pati hpung gata na aya dom kau ya ari jo na.

  Dip shagui, shahkrit shadep, masu hkalem, alom la re ladat hte pati masha ni madu ko a dodan ahkang, ra lata ahkang hte ra lata hkrum ahkang lang hkrat wa na hpe hkan je hpre abai ai ni hpe go, pati hpung gata na aya dom kau ya, pati hpung ko nna n shapro kau ai yu maram shing nrai pati jahpan shapro kau ai ari jo na.

  №71 Lawu de na masa langai hta wa hkra ai hpe go, sadi ga jo shing nrai na-du sadi ga jo ari jo na.l Masa loi song ai hpe go, pati hupung gata na aya dom kau ya shing nrai pati n shapro kau ai yu maram ari jo na. Masa na-du ai hpe go, pati jahpan shapro kau ai ari jo na:

  1.Ddaru sharin,tsun shabrong, shok ai hpe hkan abai shanut, ningdip, shing nrai daru sharin, tsun shabrong, shok ai laika hkrang ngau ni hpe madu ko nna hkap dip shingdang, shaza kau, shing nrai dingsang gaga masha ni a man hta tsun shabrong re.

  2.Pati masha tsun gabra,dara lom, sakse madun re hpe dip shingdang nna, n-gaja ai amu shapro dat ai.

  3.Pati masha ni a hpyi shok hpe ding shingdang nna, n-gaja ai amu shapro dat, shing nrai seng ang ai dodan hta n hkan ai pati masha ni hpyi shok lajang ai.

  4. Pati masha ni ahkang shanyen ya nna, n-gaja ai amu shapro dat ai.

  Daru sharin masha, tsun shabrong masha, shok masha, sakse wa, hte gaga masha ni hpe matai htang ai ni hpe go, lahta de tsun lai wa dodan hta hkan nna na-du ai hku shing nrai grau na-du ai hku ari jo lajang na.

  Pati hpongchyom hta lahta de tsun lai wa ai lam ni galo ai hpe go, tengtok lit la masha hte lit gun ningbo ni hpe, nambat langai dodan ko hkan nna lajang na.

  №72 Lawu de na masa langai hta wa hkra jang, sadi ga jo shing nrai na-du sadi ga jo ari jo na. Masa loi song ai rai yang, pati hpung gata na aya dom kau ya shing nrai pati n shapro kau ai yu maram ari jo na. Masa na-du ai hpe go, pati jahpan shapro kau ya ai ari jo na:

  1.Gumrong gumtsa shachyan ya, gumrong gumtsa jep maram,hpongchyom jep sumru yu hte pati hpung gata ra lata galo ai hta ra lata lakmat gang bang, ra lata garum re hpong chyom ko nna galo ai n re ai bungli galo ai.

  2.Ubadi dodan ai ra lata lakmat bang, ra lata lamang hta hpongchyom a tara maka hpe shingle nna hpong chyom ko nna galo ai nre ai bungli lamang galo, woi zuphpo, jashut, masha wa hpe shalen nna ra lata lakmat bang, dodan shangun ai.

  3.Ra lata galo ai hta pati hpung tara, pati hpung gata na gaga tara masa hte sengang ai mu lam ni hpe tot lai ai mu galo ai.

  №73 Ganbu lajang lang mu hta, ganbu lajang lang dodan tot lai ai rai jang, teng tok lit la masha hte ning gun ningbo mahsa ni hpe go, masa nau n song jang, sadi ga jo shing nrai na-du sadi ga jo ari jo na. Msa loi song ai hpe go, pati hpung gata na aya dom shign nrai pati n shapro kau ai yu maram ari jo na. Masa na-du ai hpe go, pati jahpan shapro kau ari jo na.

laika hti shachyen madun 推荐阅读
Dat shingwang shi laika 数字报