Yinnan mungdo gaba Sakhkung Sam amyu Jinghpo amyu madu uphkang mungdo lu hka npot makop maga tara lamyi

  №2 Tara lamyi ndai go, madu uphkang mungdo uphkang ai shingwang gata na lu hka npot makop maga gon lajang lam hta mai lang ai.

  №3 Tara lamyi ndai hta tsun ai lu hka npot ngu ai go, myu mare buga gahtong hka gahkyin shalen jo ai ko lang ai hka-nu, hka-shi, hka long, bum hka nong, bum hka, hka-htung re lamu ga ntsa na hka pot hte ga gata na hka pot ni hpe tsun ai re. Lahta ko tsun ai hka gahkyin shalen jo ngu ai go, hka shalen jo hkrang yan hku nna myu mare buga gahtong na mung masha ni hpe lu hka shalen jo ai ladat kumla hpe tsun ai re.

  №4 Madu uphkang mungdo, ginwang (Myu) mungchying sha asuya ni, tinang uphkang shingwang gata na lu hka npot makop maga gon lajang lit la ra ai hta n-ga, mungdan sutgan hte hpong shingra zinghka masing masat lam hta shalom bang ton ra ai, lang ra ai ja gumhpro hpe mung tinang tsang ja gumhpro nau son lam ko shalo bang ton ra ai.

  №5 Madu uphkang mungdo, ginwang (myu) mungchying sha asuya ni, lu hka npot makop maga ai tu hkrung htingwan gapa jo htung lai jahkum shatsup ton ra ai, lu hka npot hkan na magam hkrang hte yo sumrat lam hpe htaphtuk ai hku sharai lajang ya ra ai, sutgan gomaden lam hte lu hka npot makop maga mu rapra zinghka na matu htu sit sa wa ra ai. Lu hka npot makop maga ai tu hkrung htingwan gapa jo htung lai shatup sa wa na galo ladat hpe go, madu uphkang mungdo mungchying sha asuya ko nna do masat na.

laika hti shachyen madun 推荐阅读
Dat shingwang shi laika 数字报