№6 Madu uphkang mungdo, ginwang (Myu) mungchying sha asuya hka magam gon madung ai rungdap ni, tinang uphkang shingwang gata na lu hka npot masing masa lam hte seng ang hka pot go maden magam hpe lit la ra ai, lu hka shingra sut hpe atsom ginhkyom jep lajang ra ai.
Madu uphkang mungdo, ginwang (Myu) shingra htingwan makop, zinghka gram sharai, ja gumhpro, mungdan lamu ga, dum nta hte myu mare buga gahtong go maden, hpun maling, hkomsa lam, hkaimu, sanseng, shawa wunli makop re seng ang rungdap ni, gadai mung mu lit hta hkan nna lu hka npot makop maga mu lam hpe atsom jom galo ra ai.
Ginwangdo (Gat mare) mungchying sha asuya, gat mayan mu htam dap hte mare (Gat lok) salang rapdo ni, seng ang rungdap ni hpe garum shingtau, tinang uphkang shingwang gata na lu hka npot makop maga lam hte seng ai mu atsom galo rai ra ai.
Ginwang (Myu) tot lai ai lu hka npot makop mu hpe, madu uphkang mungdo mungchying sha asuya hka magam gon ai rungdap ko nna, seng ang ai rungdap ni hte rau gjom jep gon lajang ra ai.
№7 Madu uphkang mungdo tsang shagu mungchying sha asuya hte seng ang rungdap ai ni, lu hka npot makop maga lam shadum jahprang, lu hka npot makop maga na ubadi tara hte machye machyang lam ni sharin shachyam ya ai mu hpo galo sa wa nna, mung shawa masha ni a lu hka npot makop maga lom na myit jasat hte atsam marai sharot shatso ya ra ai.
Shi laika, nsen shapoi, dat sumla hkrung, shi let, wanglo zon re shi hton hkrang ni hta mung lu hka npot makop maga lam aja awa hko tsun shadum shabra ra ai.