Anhte mungdo ni Shanghai Hkyinhpu ginra sinpro sinna mayan wunhpom dap ni hte zuphpong jom hpo ai

Madu dap shiga Shata 12 nhtoi 23 ya jahpot, Sakhkung mungdo ni, Shanghai myu Hkyinhpu ginra sinpro sinna mayan wunhpom dap ni hte nambat 10 lang makyit mahkai hpong hpo nna jom pong galo majan zinghka lam jom dup bong ma ai.

Shanghai myu Hkyinhpu ginra pati rapdo mu madu Si Gyen,ginra rapdo dinggrin mu gun rapdo salang, ginra rapdo mazum dap dap up Li Fang Myin,ginra asuya pati mazum masha Zhen Hui Sin, Sakhkung mungdo rapdo mu madu, Shuili na mungdan ahkyak hpo zinghka kasi ginra pati rapdo mu madu Kyang Shan, mungdo rapdo mu madu ningtau Hu Shau Chen,mungdo rapdo dinggrin mu gun rapdo salang, mungdo rapdo mazum dap dap up Kau Mui, mungdo up ningtau Li Jin Hon (Magui La san),mungdo rapdo jare du Chyang Yi Wui ni zuphpong sa lom ma ai.

Si Gyen tsun ai, Shanghai na hpo zinghka asung, hpaji masha asung, gat ya asung, hpaji asung ni Sakhkung na masa hte gapyon nna matut mahkai shaja, htuk jo ai hte ra gadon ai lam jat shaja hkrat wa rai nna hkrang shingwang grau gaba ai hku htuk jo ai hte ra gadon ai lam hpe rap shara dat, jom pong galo ai lam grau lo, grau dam lada shangun, jom pong galo magam yingam mung shawa masha ni hpe hkam sha shangun rai ra ai, Shanghai Hkyinhpu ni go Sakhkung ni hte jom pong galo shakut nna sutsu nga mai, hpong shingra go maden hkrat wa re magam ni hta n-gun atsam dat hkrat wa ding yang rai na ga ai nga ai.


Kyang Shan, Sakhkung ni a gong malai hku nna Hkyinhpu ni ten galu garum madi shado hkrat wa ai hpe chyeju dum ai lam tsun ai. Kyang Shan ning nga tsun ai, Hkyinhpu ginra ni garum madi shado la, Sakhkung ni jom shakut re gata, matsan ruyak shatong la lu sai, daining ko nna, matsan shatong lu sai npot nhpang hta, mare gahtong bai sharot zinghka bang wa sai, Hkyinhpu ni mung Sakhkung ni hpe madi shado ding yang rai, n-gun tsomra mi jo hkrat wa sai nga ai.

Kyang Shan tsun ai, hpaji masha htinglu htinglai, gahtong ninghton go maden lam, hkaimu rungrai dut shapro lam ni jom pong galo shaja rai, Sakhkung ni hpe madi shado ding yang rai na myit mada ga ai nga ai.

Hu Shau Chen zuphpong woi, Li Jin Hon magam bungli galo ai lam tang shana.

Chye la lu ai, 2017 ning ko nna rai wa yang, Hkyinhpu ginra ni Sakhkung ko arang gumhpro lap gadi 6.5 sa bang nna magam mu 257 du nna, masha mun 3 hkying 5 jan ni akyu nsi hkam sha lu sai. Zuphpong hta, Hkyinhpu ginra ni Sakhkung ni hpe gumhpro lap ri 2 garum dat sai

laika hti shachyen madun 推荐阅读
Dat shingwang shi laika 数字报