Yinnan mungdo gaba Sakhkung Sam amyu Jinghpo amyu madu uphkang mungdo lu hka npot makop maga tara lamyi

  (Nhtoi 11 ya na do)

  №31 Tara lamyi ndai No16 lam yan 1 hta tsun ton ai dodan lam tot lale ai ni hpe go, ginwang (Myu) tsang a lahta de na mungchying sha asuya ko nna aming hte aten masat ya ai hku hpya kau shangun nna, gumhpro lap 100000 a lahta lap 300000 a lawu de shawa na; Masat ton ya ai aten lai mat tim n hpya kau ai ni hpe go, mungchying sha tara rung ni hpang de hpyishon nna dip shagui ai hku hpya kau ya na, ndai zon rai nna lang ra ai gumhpro hpe tara tot lale ai masha ni hkam la ra ai.

  №32 Tara lamyi ndai a lawu na dodan lam hpe tot lale ai ni hpe go, ginwang (Myu) tsang a lahta de na mungchying sha asuya lu lang hka npot makop maga tara shatup rungdap ko nna aming hte tara tot lale ai lai masa dai jahkring kau shangun nna, aten masat ya ai hku sharai kau shangun na, dai hta n-ga, lawu hta dodan ton ai hku ari jo na:

  (1) Tara lamyi ndai No15 lam yan 2 ko nna lam yan 6, lam yan 12, lam yan 13, No16 lam yan 3 hta tsun ton ai dodan lam langai mi tot lale ai ni hpe go, gumhpro lap 10000 a lahta lap 30000 a lawu de shawa na; Sat lawat laja lana re ni hpe go, gumhpro lap 50000 a la- hta lap 150000 a lawu de shawa na;

  (2) Tara lamyi ndai No15 lam yan 7, lam yan 8, lam yan 14, No16 lam yan 5, lam yan 6, No17 lam yan 2 ko nna lam yan 4 re ni hta tsun ton ai dodan lam langai mi tot lale ai ni hpe go, gumhpro lap 500 a lahta lap 1500 a lawu de shawa na;

  (3) Tara lamyi ndai No15 lam yan 10, lam yan 11 hta tsun ton ai dodan lam langai mi tot lale ai ni hpe go, gumhpro lap 1000 a la- hta lap 3000 a lawu de shawa na.

  №33 Tara lamyi ndai hpe madu uphkang mungdo mungchying sha gasa zuphpong gaba hta jep bong myithkrum nna, Yinnan mungdo gaba mungchying sha gasa zuphpong gaba dinggrin mu gun salang rapdo ni jep bong ahkang jo ai hpang, madu uphkang mungdo mungchying sha gasa zuphpong gaba dinggrin mu gun salang rapdo ko nna shabra lang sa wa na.

  Madu uphkang mungdo mungchying sha asuya ni, tara lamyi ndai ko hkan nna galo shatup sa wa na ladat mai do masat la ai.

  №34 Tara lamyi ndai hpe madu uphkang mungdo mungchying sha gasa zuphpong gaba dinggrin mu gun salang rapdo ko nna htai dan na. (Ngut sai)

laika hti shachyen madun 推荐阅读
Dat shingwang shi laika 数字报