1.  Hpum shagrit

Jangwom si hte hpum shagrit lu ai ngu ai go teng sha re. Jangwom si hta masha hkum hkrang ko ra ang ai wuisinsu ma hkra hte nhprang rai myu 16 rong ai hta n-ga, shat rin garum ai akyu gaba mung rong ai. Jangwom si hte hpum shagrit  lu ai lam go shi ko namsi ntsin grung dik nga ai re majo, sau hpe jahkri garan kau ya lu nga ai, shani shagu lu sha hta jangwom si bang shalom sha shing nrai jangwon ntsin shup lu yang mai ai, raitim n mai sha dinglai shing nrai garai n myin ai jangwom si n mai sha ai, shing rai jang hkum ahpun wa re masa  pru wa chye ai.

2. Pu kan jasan jaseng ya

Jangwom si ko na danbemui(蛋白酶) go lu sha ko na danbeji hpe shatang du hkra lu garan kau ya nna, pu kan shamu ai shalo dat ya rai chye ai.

3. Myiman shatsom

Jangwom si ko na wuisinsu B go ahpyi hpe hkalung shatsom ya, ahpyi hkro gaprang ga na hpe htang maja, kara manyen gala shatsom ya rai lu ai hte rau, hkum- hkrang a ana htang n-gun mung  shatso ya lu nga ai. Shi a ashan hpe myiman ko shakap nna, myiman shatsom la mai ai. Tut e gatsing dui mu la ai jangwom si ntsin lu yang, ateng apang re sama jahkrat kau ya, ateng apang re sama byin tai wa na hpe lu htang maja rai nga ai. Jangwom si go sai shanyem, sai sau bungsan kau ya rai lu ai, jangwom si sha yang, asau bum majo wa na hpe htang maja lu nga ai.

4.  Awo shamai

Gahtet, jahkru, mayu machyi re go awo ana masa nan rai nga ai, yup ra ko azim sha galeng hkring sa nga ai ko lai nna, jangwom si ntsin gom mi lu dat yang, gahtet shakop ai akyu rong ai hta n-ga, sa ran lam hpye wa na hpe mung shagrit kau lu nga ai. Tsi hpaji chyam dinglik ai hta chye lu yang, moi prat ko nna, shinggyim masha ni  go jangwom si hte mayu machyi ai, jahkru ai ana tsi shamai la chye nga ma ai.

5. Jangwom si sha yang sadi ra ai lam

Jangwom si sha yang kan gaman ko n mai sha dinglai bang ai,  ahpyi amyi ni      atsom sep shatsai kau ra ai, ashan hpe apa hku mot la ai hpang jum ntsin ko manit manga kru tsing kau ai hpang she mai sha ai. Wa pot hpye, shat kan hpye, n-gup sapsanap hpye re masha ni jangwom si n mai sha ai, mahtang jangwom si go hkri ai bo namsi re majo, sha dat jang wa pot, sapsanap hpe gasheng hkra ya wa chye ai, shat kan ana lu ai ni go kro galau wa chye ai, sha shalo kau jang, kan machyi, kan mase, madon shing nrai bo machyi, bo sin, ahpyi hkye wa, hkum ting gaya wa,  lago lata hte n-gup shinglet hpam wa rai chye ai, grau nna go, nsa sa yak, si malap mat wa re masa ni chye pru wa ai.

6. Jangwom si hpe ganing di lata na

Jangwom si lata ai shaloi, nsam, abat, namta ni hpe yu ra ai: Nau tsit,  ja, manam pyo abat n rong re jangwom si go garai n myin lu ai ga rai nga ai, htoi tsom, manam pyo ai jangwom si go myin sai ga re, jangwom si hpe manat yu yang, ntsin abyi pru wa ai go hten mat ai rai nna, n mai sha mat sai.