读报时光 -德宏民语文网

Shata 2 nhtoi 19ya shani, Yinkyang ginwangshadan krung wuhpramareko mayu gawan htunghking poi galo lai wa sai.

Jinghpo Wunpong myu sha ni go moi prat ko nna mayu gawan ai htung lai gaja nga ai. Moi prat go mangai ta nai mam shu la ai hpang, da-ma ni nbo nnyeng U di tsa hku gun nna mayu ga de ganu gawa gahpu gayung ni hpe wa gawan ai hte rau, lawu lahta gahpu ganau makyin jinghku htingbu htingpyen ni hte wa hkrum shaga chyai let, lai wa sai laning mi laman na galo lu galo sha mahkrum madup hpaji jo hkat ma ai. Daini Miwa mung suthpom pati hpung e woion ai gata hta, Jinghpo Wunpong myu sha ni lu su nga mai wa sai hte maren, lu shu la ai nsi naisi hpe kaga hpu nau amyu ni hte rau jom lu jom sha gabu hkalum shaman kungdon na matu, mayu gawan ai ten hpe kap shata shaning ningnan go-nyen poi laman hta bai htot sit mat wa sai. Miwa mung suthpom pati hpung hte mungdan asuya ni dinghku hta no hpang hkrat nga ai ni hpe madi shado ai magam mu woi galo ai hpang, Jinghpo Wunpong myu sha ni a nga pra madang lahkam ningnan bai htot sit lu sai, ya daini pati asuya ni mare buga shawum shaja magam mu bai woi matut galo to nga sai hte maren, buga masha ni ja gumhpro manu wa sai hte rau, wa sa hkrun lam mung manu mat re majo, mayu gawan ai htung lai gaja ndai grau ngang kang wa na matu, kaga gahtong kaga buga de num wa mat sai nu num ni shada so ginron la nna mayu ga de galang ta rau wa na hku bai galo hpang wa ma ai.

Nhtoi 19yashani,shadan krung wuhpra mare nanum wa mat sai nu num ni hte da-ma ni htunghking buhpun mon sumli kau , htongbau shumsheng hte rung nga poi lamang galo ai shara de shang wa maai. Gahtong masha ni mung htong dum nna sa tau laaihte rau, poi lamang galo shara na chyinghka lam ko chyingbau shumsheng madum sumpyi yu-ngui nsen shangui shapyo dan let, magyep tsa hku hkap hkungga jo ma ai.

Poi lamang hpe htongka shong jom ka nna, hpaji jo hpong woi hpo ma ai. Hpaji jo hpong hta,shadan krung wuhpra mare salang rapdo ningbo, gahtong ningbo,hkrisatan hpung ningbo,num wa mat sai nu num gasare ni hpaji jo ma ai. Hpaji jo hpong hta tsun ai, mayu gawan ai htung go Jinghpo Wunpong myu sha ni a htung lai gaja langai mi re, Jinghpo Wunpong myu sha ni dingyang hkan matut shachyo na htunghking hpaji ningli mung re. Daini pati hte asuya a tara gaja ai majo, wunli lu ai, wun-gau gu ai myu sha ni rai nga saga ai, pati hte asuya hpe chyeju htang na ngu ai myit hte, tinang a magam mu hpe htep lahti rai gun hpai ga, mayu da-ma lahkong maga dingyang makyit mahkai nna, ruyak jamjau ai lam nga wa yang, myit hkrum mang rum rai shada jom pon ba hkat ga nga ai.

Hpaji jo hpong ngut ai hpang,num wa mat sai nu num ni go dai mare na sak 60 ning a lahta de na gumgai dingla ni hpe kumhpa jo rai,da-ma ni gun wa ai shat lit jom hpyan sha,ma gaji ten na lam hkai chyai rai ma ai.

Shana go gahtong masha ni hte da-ma ni shaman ton ai mahkon mangui ka manot ginsup jom yu ma ai.

2月19日，盈江县卡场镇吾帕村民小组举行外嫁女回娘家团聚庆典活动。

嫁出去女儿、姑爷回娘家是景颇族的优良传统习俗。过去，景颇族回娘家时间主要安排在秋收后。嫁出去的女儿和姑爷通常背着糯米饭、水酒、年货等回娘家探望父母及亲朋好友，同家人共同品尝丰收硕果，向父母汇报一年来的生活情况。解放后，各民族大融合，春节已成为景颇族群众的重要节日，外嫁女探望父母的时间改在春节期间。党和政府实行脱贫攻坚、乡村振兴后，景颇族群众的生活水平得到了提高，村容村貌发生了翻天覆地的变化，交通也便利了，为了增加节日气氛，外嫁女们相互邀约，同时回村探望父母，在村委会及村民小组的支持下，开展回娘家传统习俗交流学习活动。

活动期间,回娘家的女儿们给家乡六十岁以上老人赠送了礼物，姑娘们被邀请到舞台上献唱歌曲，相亲们也给姑娘们回了礼篮。之后大家一边分享礼篮美食一边回忆童年幸福往事等。晚上，大家一起跳统肯统噶并开文艺晚会表演准备好的节目，在依依不舍中结束了活动。

通讯员：李潘（Nsho Hpan Ja）

编播：沙云燕（Kumhtoi Mai Mai）

责编: 沙宽娅(Maji Hkon Ra)

审核: 岳雪秋(Nhkum Hkon Bok)

欢迎通讯员提供新闻及其他作品素材

联系人：赵敏

联系电话：1357823762

下载"掌上德宏"APP.30

扫二维码获取更多精彩