Pukan hpye ana gan lu wa ai:

Gadun ai aten laman hta byiya song song gan lu bang dat jang, byiya go shat kan ntsin hpe bungsan kau ya nna, pu kan hkri ntsin bungsan mat, shat rin n-gun nyem mat rai sai majo, ana kanu kap loi sai rai nna, dongkat ana, pu kan gan hpye re pu ana lu wa chye ai. Dai hte rau, pu kan shamu ai asat lawan wa  nna, sha bang dat ai lu sha htok shapro asat lawan, kan chyabung, kan mase rai wa chye ai.

Chyaru machyen sin ana:

Byiya hta go lu sha dat n-gun, gahtet n-gun grung nga ai, shi ko rong ai lu sha dat n-gun ma hkra hpe masha hkum hkrang e lu marop la kau nga ai. Mahtang chyaru machyan go asin e  htok shapro ra ai rai nna,  aten na na rai asin hpe chyaru machyan hte jahten shaza ai hkrum jang chyaru machyan sin ana tai mat sai.

Lung tong byin tai:

Byiya dun ai hkaulan hta, gai hte zhauson rong ai hta n-ga, hpyaulin(嘌呤) mung ram ram lo rong nga ai, song song hte lu jang, gahtet n-gun nau lo dinglai  wa nna, jit hkri lo lo byin tai wa ai nga yang, nlung tong  tai wa sai.

Salum sailam ana:

Chyaru song song lu bang dat jang a- ten gadun mi hta sai rong shadang tso wa nna, salum hte sailam a lit shali ya nhtom, salum sailam, sade, asin, sinwop re hking rai ni hpe jahten shaza ya sai, masha nkau go bosin myi aka wa, saitso wa,  salum gahprap lawan wa  grau nna go salum sai- lam ana bu wa pyi no rai chye nga ai.

Awo wo:

Byiya lagyi song song lu dat jang, salat hku agajong sha gashung hkrum nna ginchyum pat mat ai nga yang, salat n pru mat sai majo, hkum hkrang gata na  gahtet rai shapro kau dat na hpe ningdip kau ya sai, shing rai jang awo wo wa re ana sha- byin dat chye nga ai.

Atsi a agung n-gun grau shaja ya:

Lama tsi sha nga dangam re masha rai yang chyaru n mai lu ai, mahtang chyaru machyan go tsi a agung n-gun hpe grau ja wa shangun chye nga ai.

Dai majo masha gaba ni byiya lu yang kalang mi haushin 300 ko nna n mai jan lai ai, shi a gahtet gatsi shadang go 8℃ daram rai yang, grai lu pyo nga ai. Yen ai wan hte shamu ai sha hpa ni hte arau n mai lu sha ai, namsi namso sau n sau ai simai ni hte sha mai ai, ga lasi go byiya mai ai gaja dik ai simai re.