Bum Lai

Hto lo...

Lai wa sai ten hpe sumru,

Nga sa prat lado shai ai mu,

Lai sai ten buga magam mahta,

Hkringhtong hkai li sha lu jahpra,

Gat sa hpaga namlap simai,

Mahkong da gumhpro n mai tai,

Makau grupyin gat shagu du sa,

Dai shani tam dai shani jai sha,

N-gu sumpu htungwan gaman,

Makoi n-gu kaga mi n san,

Ja gumhpro tam lam n mu,

Buhpun palong gapa ai ko du,

Pati a gram galai tara du,

Hkum damin bungli lu hpo pru,

Hkringhtong magam ronlai hpe rap,

Laklai shai ai bungli kap,

Bo hkum sumhpa magam nga ai,

Ningchyang bungli po pru sai.

Moi ningchyang nga yang gaya ai,

Dai she gumhpro tam ai rai,

Ya na marot tsom hkon brang ni,

Ningchyang magam hpe she sumli,

Daido buga hpe kau da,

Madin sumtsan de hkom mat wa,

Nbungli wanleng hte rot,

Bungli ningchyang shara e hprot,

Magam lauban ni hkap lau la,

Ningchyang bungli hkap madun ya,

Kangka kyet shop ai hte shakut,

Seng ang magam hpaji lu jahkut,

Ndum shami lahkong masum ning du,

Jak mu masha ninghkring mai ngu,

Shata la-hka lahta tang tso wa,

Hpuon ganbu hte maren sha,

Gumhpro lu ai sha nrai,

Masha shinglen mung mu la sai,

Ningchyang magam hpe hkum yu gaji,

Pati a chyeju akri.