Palam la hte atsip (Atsop)

Gale ai:Ka-mai Gam Ba

Palam la langai go, hpun lakung lashan ko ari ri atsip tsip nna, tinang hkrai din din hkak hkak sinda mat nna makai rong nga sai. Shingtai gasha go atsip gata ko gaungui kung gaba wa nga ai, hkumhkrang gyit makai ton ai re majo, grai hkam sha yak ai nga ai, htingkun shamu shaja rai nna, dai gata ko abro male pru wa mayu nga ai. Lahkong masum ya a hpang, atsip gachyi mi ga gaprang wa nga ai, palam la gasha go hkum do mi lu shakra gale ton lu sai, singko no gapum gumdin ai majo, shi go n-gun shadat nna shinggan de gumrot male shakut pru wa hkyem nga ai, hkumhkrang hpe atsop e hkap matep shachyat ton ya ai majo, salu salat go shi n-gup nrung hku hkrat yu wa nga ai.

 Lam lai hkrup ai ma gaji langai mi go grai yu ba yu matsan dum ai majo, matep tam la nna, atsip matep ga dat ya nu ai. Palam la gasha lu gumrot pru wa sai, raiyang shi singko nlu shapyan hkro ai majo, gapum gapam re singko garot lang nna, ga ko nhti nhtang gumrot hkom nga sai. Dai atsip abro ga shakut shaja ai lam go, singko sai lung n-gun ja na matu rai nga ai, galu gaba lam ko go lam numtok n nga ai, maru mayak jamjau jamhko yong go, lai di ra ai lam nan rai nga ai.