Nlung lapran na tsing gaji

Gale ai:Ka-mai Gamba

Maring marong re lunghton lungbra go shi hkrai bum ko hpum nga ai, nlung lapran ko go ahpa sha re ga ninghpu rong nga ai. Galoi na ten ko tsing si langai go nbung hta poi nang nna,dai nlung lapran ko wa hkrat rong nga ai. Htingra ta hta, tsing si dai tu pru wa sai, shi a makrung hkalung go nlung dip da ai gata hta, achyum achyam rai prut pru wa nga ai. Nlung lapran ko hka n rong ai, jan ja gaten ai shaloi, tsing makrung go namlap gayop makai kau nna, nlung lapran de aru ru shakut nga ai. Nbung laru bung lai ai hpang, shi go nlung nten ko kap noi nga sai. Shana yup tung na ahkyen gyauna ko mung gashung gari hkam ra nga ai. 

Raiyang shi go myit nhtum ai, gau ngui hte gau ngui galu gaba wa sai. Yinam lado du yang, shi go tsit ring tsom wa nna, makrung ko nampan majo langai bai pu pru wa nga ai.