Yinkyang ginwang Jinghpo Wunpong amyu sharot hpaji sumru hpung Nongjang garan hpung ni hkringhtong kunghpan hpaji makop maga lamang hpo galo ma ai

Ndai lapran, Yinkyang ginwang Jinghpo Wunpong amyu sharot hpaji sumru hpung Nongjang garan hpung ni Jinghpo Wunpong amyu ni a hkringhtong kunghpan hpaji makop maga lam hte hton matut lam ko lade nna, Jinghpo laika sharin, Nau shong Nau pa ka hkrang hpaji hte htong ka hpaji sharin, Jinghpo rida maka hpaji re hkringhtong sutrai laksan sharin lamang hpo galo, shingwang gata na num ma ni hte shingni hpaji ra sharong ai shawa masha ni hpe hpaji sharin pinra go maden ya nna, Chyunghua amyu nta hkum mi sha re ngu ai myit masa dingyang shangang shakang hkrat wa nga ai.

Shata 7 nhtoi 18 ya shani ko nna shata 8 pro 1 ya shani du, Nongjang gat mare ni Namdo mare hte Mangmyen mare ko aten 15 ya du ai Jinghpo laika sharin hpong hpo galo, yong rai yang jongma 56 shang lom ma ai. Shawa masha ni "Jinghpo ga chye ga, laika n chye" re ai ningra lam hta hkan nna, garan hpung ni sara so shaga la rai hpaji sharin ya, jinghpo laika pong hti hpaji, amyu maumui, ga malai re kunghpan hpaji ni ko gapyon nna jongma ni hpe madu a ga laika npot shangang ya, amyu kunghpan hpaji maka hpe makop maga sa wa ma ai.

Shata 7 nhtoi 19 ya shani ko nna 25 ya shani du, Manseng mare salang rapdo hta Nau shong Nau pa ka hkrang hpaji hte htong ka hpaji sharin lamang hpo galo rai, sharin hpong hta shang lom ai jongma yong rai yang 30 rai ma ai. Hkringhtong sutrai hton matut sara dai shara ko ta tut sa sharin ya, Manau ka hkrang lam yan, hpung garan hkrang, amyu a gaja ai htunglai hte htong ka hpaji ni sharin ya ma ai, lawu tsang amyu shingni hpaji masha ra gadon ai lam gapa dat lu nna, madu ginra na shingni hpaji wuhpung shagreng sa wa lu sai.

Shata 7 nhtoi 21 ya shani ko nna 27 ya shani du, Byen Fu mare salang rapdo ni Jinghpo rida maka hpaji sharin hpong hpo galo nga ai, ndai lang na sharin hpong hta yong rai yang, masha 41 shang lom ma ai. Sharin hpong hta munglun hpaji hte ta tut galo ai masa hku nna, rida maka a lachyum, hkringhtong nsam jahtuk hpaji ni atsom tsun shachyen dan, sara ni jongma ni hpe ta tut nan lak nsam rong ai hkringhtong hpaji hton sharin ya ma ai.

Ndai lang na shamu shamot lamang go Jinghpo amyu ni a hkringhtong sutrai hton matut lam hta ningra ai lam gapa dat lu, madu ginra na hkringhtong kunghpan hpaji hton matut masha ngau shalat lu. Grau nna, Jinghpo Wunpong amyu sharot hpaji sumru hpung Nongjang garan hpung ni hkringhtong sutrai hton matut sharin shamu shamot lamang dingyang hpo galo sa wa na hku re, amyu kunghpan hpaji sut ngau sok sagon dingyang, hkringhtong sutrai makop maga hkrat wa rai, Jinghpo Wunpong myu sha ni a gaja ai hkringhtong kunghpan hpaji hpe lawu tsang de du hkra shagrin hkrat wa, lak hte lak hton matut hkrat wa lu hkra htu sit dat ra ai.

弄璋镇景颇分会开展系列非遗培训助力民族文化传承

近日，盈江县景颇族进步发展研究学会弄璋分会聚焦景颇族优秀传统文化保护与活化传承，有序开展景颇语言文字、瑙双瑙巴暨象脚鼓、景颇织锦技艺三项非遗专题培训，面向辖区青少年、妇女群众及文艺爱好者搭建学习传承平台，持续铸牢中华民族共同体意识。

7月18日至8月1日，该镇在南朵村、芒缅村开展为期15天的景颇语言文字培训，共56人参训。针对景颇族群众“会说不会写”的传承短板，分会邀请资深教师授课，将识字教学、民俗故事、童谣文化有机融合，通过一对一精准辅导，帮助学员夯实母语读写基础，守住民族文化根脉。

7月19日至25日，芒线村开展瑙双瑙巴暨象脚鼓技艺培训，30名群众参训。非遗传承人现场实操教学，系统讲解目瑙纵歌仪式流程、队形排布、民俗礼仪及象脚鼓击打技巧，有效补齐基层民俗文艺人才缺口，壮大本土文艺骨干队伍。

7月21日至27日，边府村组织景颇织锦技艺培训，41名学员参与学习。培训兼顾理论与实操，细致讲解织锦历史、纹样寓意、传统配色等知识，手把手教授穿线、排线、花纹编织等核心工序，切实提升学员实操能力，激活传统手工艺传承活力。

此次系列培训有效缓解了景颇非遗传承断层问题，储备了本土传统文化传承人才。下一步，弄璋镇景颇分会将常态化开展非遗传承培训活动，持续深挖民族文化资源、活化非遗业态，推动景颇优秀传统文化在基层落地生根、薪火相传。

(通讯员宋明文来稿)