Yinam lado hta gahtet la ai majo, lu sha go hkamja lam hte grai seng nga ai. Lusha sha htuk jang she, hkam hkam ja ja rai nna yi-nam lado lu lai na rai, lama n sadi sa yi nga jang go, ana ahkya shakap la nna, hkamja lam hpe jahten hkra chye nga ai. Sak gaba masha ni a matu tsun ga nga jang, yi-nam lado na hkamja malu masha grau ahkyak to nga sai.
Shong nnan e, lu sha sanseng lam galo du ra ai. Yi-nam lado hta nbung gahtet shadang tso nna, shat ngo shat ngam ni hta ana ganu kap loi nga ai, dai majo, n sha yang ahkyak ai, lama sha ai rai yang, atsom shadu shaprut kau ra ai. Namsi namso ga- tsing sha yang hpyi sep kau ra ai. Simai gatsing gayau sha yang, atsom sha kashin jasan kau ra ai, prut hka ko gaba kau yang grau mai ai. Simai chyahkut mot ai nhtu, punhtau go simai gatsing, shan gatsing mot ai nhtu, punhtau hte hpaga lang ra ai. Simai gayau sha ai shaloi, namsu gachyi mi hte hparo adep bang ra ai, ning di galo yang shat sha kam wa ai hta n-ga, shat rin mani na matu akyu mung no rong nga ai hte rau, ana ganu sat agung htok ai akyu rong, pu hkan na hkron kap ana byin wa na hpe htang maja re akyu mung rong nga ai. Lagyi lu hpa galo ai shaloi, hpunlum lagyi lang ra ai, hka gatsing n mai lang ai. Yi-nam lado hta, gumgai dingla ni shinggan hkan majoi dam dut ai malu masha n mari sha yang grau mai ai, dai n rai yang lu sha na ai masa pru wa chye ai.