Chyu go yong chye ai gaja dik ai lu sha dat n-gun rai nga ai, chyu jahkai go masha chyu, Nga chyu, Bainam chyu, Gumra chyu ni rai nga ai, mayu e shinggyim masha ni lo lu ai go nga chyu re. Nga chyu ko danbeji ni rong, ankyison hkum tsup, shadang grung, shadon shadang htuk nna, masha hkum hkrang shan byin tai wa lu nga ai, dai majo masha hkum hkrang hpe jahkam shaja dat lu ai hta n-ga, ma gasha ni galu gaba wa na hpe mung shadut dat lu nga ai. Nga chyu ko na danbeji go rin mani la loi ai hte ma- ren, rin jashon lang shadang go 98% du nga ai, shing rai nna, nga chyu go shinggyim masha ni a malu masha hta danbeji gaja lu la ai npot re. Nga chyu ko na sau go kaga hte n bung ai, shi ko rin jashon la loi ai sau hkri rong nga ai, sau hkri dai grai byo loi ai hta n-ga, hkumhkrang de rin jashon la na grai loi nga ai. Chyu sau hta masha hkum hkrang hta rong ra ai sau hkri hte lin sau rong ai, dai go lu sha dat n-gun shadang grai tso ai sau re. Chyu htang go chyu jahkai hta alak rai rong ai htanshuihuahowu rai re, shi go gai, hpri hte sin jashon la na hpe shadut dat ai hta n-ga, pu gaba htan gaja ai ana ganu brat wa na hpe ningdip kau lu nga ai, shing rai nna pu hkam ja na matu akyu rong nga ai. Nga chyu hta gai, lin, hpri, sin, magri, mung, lui re nhprang rai rong ai, dai ko hkup ai arai go hkri ai arai hta lo nga ai, dai majo, nga chyu go hkup jahkai sha hpa re, shi go hkumhkrang gata hkri hkup hpe shabung shara ya lu nga ai. Grau nna go Nga chyu hta gai rong shadang tso nga ai ko, jashon la shadang bai tso re nga yang, masha hkum hkrang gai jashon la na arai gaja nan rai nga ai. Dai hta lai nna, nga chyu hta myu shagu re wuisinsu ni rong shajang nga ai, grau nna go wuisinsu A hte wuisinsu BO rai nga ai, mayu na malu masha hta go wuisinsu A hte wuinsinsu B nau n rong ai. Zhenwuisu ko lai nna, Nga chyu hta go masha hkumhkrang ra ang ai lu sha dat n-gun ma hkra rong nga ai, shi lu sha dat n-gun tso ai lam hpe kaga lusha n dep ai.

　　Nga chyu hta lu sha dat n-gun hpring ai hta n-ga, manu mung hpa ai. Nga chyu go chyangai ma ni a sha hpa sha n rai, ma gasha, mahkon shabrang gasha, masha gaba, gumgai dingla ni mung shani shagu nga chyu loi loi lu ra nga ai, shing rai jang she hkum hkrang hkam ja wa lu na re. Masha gaba ni nrut nra n galu gaba wa ra sai rai tim, masha hkum hkrang na ahkrang ni go shani shana matut ndi rai ningsa ai hpe ningnan bai galai dat ra nga ai, ga shadon sin ko na danbeji go aten 10 ya daram rai jang achyen mi ningnan bai galai dat sai, nrut nra ko na gai mung masha hkumhkrang na ga- yau nong na gai hte matut ndi rai galai hkat ra nga ai, shing rai jang she nrut nra ningnan galai la lu nga ai. Lama aten na na rai malu masha n htuk ai hku sha nna, gai grung hkra n lu jashon la sa yi nga jang go, hkam ja lam hta manghkang pru wa na sha rai sai.

　　Nga chyu go shinggyim masha ni a danbeji hte gai lu la ai npot rai nga ai, shi go lu sha dat n-gun shagrung, hkumhkrang shagreng, ginsa htang ai lu sha gaja nan rai nga ai. Nang lani mi Nga chyu gom mi lu yang hkrak sai! Masha ni tsun ai “Nga chyu gom mi masha amyu langai shagreng la” nga ai aga go teng nga ai.