Ana zinli htang maja na go yong a lit re, ndai ko hkop shawa masha ni yong hpe shadum dat mayu ai, lawu de tsun de tsun ai lam ninghkap jang tara shut wa ai, yong hpon rai yang lam 30 du ai.
Ana zinli htang maja tara ninghkap ai lai go:
1. Manam modo jon, nta ko nna shinggan de pru hkom mat wa, gat seng gaba de shang, gat de simai simo sa mari, manam jarop de shang re shaloi, gonhkang nga ai magam gun masha ni tsun yang n madat jang
《Miwa mung mungchying sha gumsan mungdan wunli gon lajang dam jo tara》 nambat 23 ko hkan nna, daru sharin shing nrai gumhpro lap 200 la wude shawa na. Ladu lai ai ni hpe go 5 ya lahta de 10 ya a lawu de htong jahkrat nhtom, gumhpro lap 500 a lawu de shawa na.
Dai zon rai matsun ai n madat nna sinkon sinwop ana jahkron dat shing nrai jahkron dat na zon re hkring tsang ra ai lam nga jang, 《Miwa mung mungchying sha gumsan mungdan mara tara》 nambat 330 ko hkan nna, ana zinli htang maja magam mu jehpre chyinglau mara shagun na.
2. Nta ko nna pru hkom mat wa, gat seng gaba shang, gat de simai simo sa mari, manam jarop de shang wa re shaloi, hkamja wunli sakse n madun hkro, matsun ai hku n ka matsing hkro rai jang
《Miwa mung mungchying sha gumsan mungdan wunli gon lajang dam jo tara》 nambat 50 ko hkan nna, daru sharin shing nrai gumhpro 200 a lawu de shawa na. Ladu lai ai ni hpe go 5 ya a lahta de 10 ya a lawu de htong jahkrat nhtom, gumhpro lap 500 a lawu de shawa na.
Dai zon rai matsun ai n madat nna sinkon sinwop ana jahkron dat shing nrai jahkron dat na zon re hkring tsang ra ai lam nga jang, 《Miwa mung mungchying sha gumsan mungdan mara tara》 nambat 330 ko hkan nna, ana zinli htang maja magam mu jehpre chyinglau mara shagun na.
3. Pat hkang kau, pat shingdang kau re shara na ni gon lajang ai hku n hkan, ana zinli htang maja hpareng dap ni masat dodan ai tara mung n hkan rai shinggan pru hkom, masha hpong de sa rai jang
《Miwa mung mungchying sha gumsan mungdan wunli gon lajang dam jo tara》 nambat 50 ko hkan nna gumhpro lap 200 a lawu de shawa na. Ladu lai ai ni hpe go 5 a lahta de 10 ya a lawu de htong jahkrat nhtom, gumhpro lap 500 a lawu de shawa na. Dai zon rai matsun ai n madat nna sinkon sinwop ana jahkron dat shing nrai jahkron dat na zon re hkring tsang ra ai lam nga jang, 《Miwa mung mungchying sha gumsan mungdan mara tara》 nambat 330 ko hkan nna, ana zinli htang maja magam mu jehpre chyinglau mara shagun na. Madu ana kap sai chye nga ninglen, ana machyi ai masa lam n tsun dan, ganing ganang du hkom yu ai lam ip kau rai, shawa dabang de sa, manam modo dung hkom rai nna ana zinli hkron bra wa jang, Miwa mung mungchying sha gumsan mungdan mara tara》 nambat 110, nambat 115 ko hkan nna, ana zinli htang maja magam mu jehpre chyinglau mara shagun na.
4. Ana zinli htang maja na matu san ton ai gik hkap shara ko modo hte abro lai, shing nrai ladat amyu myu hte koi yan kau rai jang
《Miwa mung mungchying sha gumsan mungdan wunli gon lajang dam jo tara》 nambat 50 ko hkan nna, daru sharin shing nrai gumhpro 200 a lawu de shawa na. Ladu lai ai ni hpe go 5 ya a lahta de 10 ya a lawu de htong jahkrat nhtom, gumhpro lap 500 a lawu de shawa na. Dai zon rai matsun ai n madat nna sinkon ana jahkron dat shing nrai jahkron dat na zon re hkring tsang ra ai lam nga jang, 《Miwa mung mungchying sha gumsan mungdan mara tara》 nambat 330 ko hkan nna, ana zinli htang maja magam mu jehpre chyinglau mara shagun na.
5. Heson jep ra ai ni shana dat yang n sa hkro jang
《Shawa hkamja wunli manghkang sadi maja tara lamyi》 nambat 51 tot lai ai hte rau, rung dap hte ti nang madu hkum ni heson jep ai ko matsun ai hku n hkan jang, 《Miwa mung mungchying sha gumsan mungdan wunli gon lajang dam jo tara》 ko hkan nna dam jo na, tara tot lai ai ni hpe pyada dap ni tara ko hkan nna dam jo na. Mara shut ai ni hpe go 《Miwa mung mungchying sha gumsan mungdan mara tara》 nambat 330 ko hkan nna, ana zinli htang maja magam mu jehpre chyinglau mara shagun na.
(Bai matut hti ga)
Gale ai Lahto Brang Ja