Marung ana. Masha a marung lai shai mat wa jang go, shingma machyi wa chye ai. Du krung shingma ni machyi, ata ni n-gun n rong, ta latsang ni hpam wa, kro matan shing nrai myi amap wa re kumla ni byin pru wa nga ai.

Nbung ana. Nbung ana lo malo go madu a hkum hta ana htang n-gun yom nna byin wa ai re, machyi ok wa ai aten ni lanyan, machyi aten galu rai nna, gashung lagyi, madi manyap re shaloi, shingma maga de grau machyi na-du wa nga ai.

Nra ginro ana. Jahpan hta yu yang, anhte mungdan na asak 60 ko nna 70 du sai gumgai dingla ni hta 1/3 ni go, nra ginro ana lu nna, asak 80 a lahta de na gumgai dingla  ni go chyen mi daram nra ginro ana lu gajang nga ai.

Nrut nra machyi ana. Asak gaba wa ai ko hkan nna,nrut nra ni mung hten wa chye nga ai, lahput, maidang, marung hte gahpa na nrut nra ni hta go, machyi ana ni chye byin wa nga a majo, gumgai dingla lo malo ni go lago ni lahtum nna machyi ai nga tsun gajang nga ma ai.

Shan mom machyi. Hkum ting hta nong e hte  machyi chyi re go  hkyen wui ngu ai shan mom ana re, machyi kumla go, mayu e go machyi shara gara ko re hpe n chye tsun nga ai, hkum hkrang shaman n jo jang grau machyi na-du wa nga ai.