Gumgunm masha ni a kumbang dumsa shaman ai lam go, daini gaw anhte a nta ganam shinggyim shalu la sai, dinghku ganu jat sai ndai dinghku hta daini jat ai ganam ni, hte nta masha ni yong wunli wungaun-gau lu num nnan jan mung wunli lu wundan tu, dinghku lum, mayat maya gumja gumhpra, nga mu nga mai rai nga lu shingwang wang, nga mai da-hkrap hkrang wa na matu shaman wunli la dinghku shangang shakang la ai lam rai nga ai.

　　Kumbang lai ai htunghking go, gamoi nga yang gamoi jan nan mayu ni bon dat ya ai mahkang sungkung hpai, Gundon lit (Noidung) gun nna ahkra ta hte lashum shot labang pot madu marong ko nna nhku maga dun shang wa ai re. Shingrai gamoi jan ganam dun yang, kungdon lit langai(noi shi) hte mahkang sungkung langai go gana gaba(la sha garat gaba) gun hpai la ai. Bai la nnan hte kaga ni ma hkra kumbang n lai ai. Num nnan jan hte num dun la ai jan sha kumbang lai ai. Dai go jai wa ga hta kagu lung ninghkrun lung wa lung gamoi dung lahkum wa dung, gaisang langai chyui, po- hkyon langai lui, ngu ai dumsa jaiwa ga nga ai hte maren, hkungran poi shani lahkum lakang do, kagu wa ntot e gaisang hkap gali ya, nbang dap de dun bang nna hka hkap shaman jo re lam re.

　　Shadan Shadong Ra Sai Jinghpo Laika

　　Ngai du hkom yu ai Jinghpo Wunpong buga lo malopng hkan go, mare gahtong nban jung ai hkrai re. Dai hta lai, Mare ga- htong mying masat shado mung jung da shajang nga ai. Rai yang, mare gahtong nkau go Dai mare gahtong mying masat shado htaJinghpo laika hku Nka shlom bang da ai hta n-ga, Mare gahtong gata na zuphpong nta (shekon hkui) ko du hkraJinghpo laika n ka shalom da ma ai, Miwa laika kap ai sha mu ai.

　　Bai asi apoi, hkungran poi, dingshon poi hkan jahpan matsin ai hkan mung Jing- hpo laika nbang ai hta n-ga, Masha mying jahpan ni mung Miwa mying ni hkrai rai nga ai, Miwa amyu rai do ngu yang go Jinghpo go she rai nga hka...

　　Ndai go Jinghpo laika nchye ai majo rai kun? Jinghpo laika hpe lang n manu dum ai majo rai kun? Jinghpo laika hpe manu n shadan ai raikun? Jinghpo laika lang yang asuya ni daru na hkrit nna rai kun? Asuya ni ko nna Jinghpo laika hkum lang nga galoi mung n tsun yu ai hta n-ga, Jinghpo laika sharin ai jong mung no hpo ton ya nga ai.

　　Bai lam mi go, Anhte Jinghpo ni lo malong a Lup ding lup ba hkan lup man ko kap ai laika hpe yu yu yang, Jinghpo laika nrai nga ai. Ndai zon hkrai rai yang Jinghpo amyu ngu ai gade ning no grin nga na kun? ngu nna sumru yu nngai lo...