Jinghpo ga

　　Jan wa ningsang wunbu hpro nang ga ai ga

　　Jan bum lago ko mung kap

　　Majoi bum nton ko mung dop

　　Chyanun aga mung dai

　　Woishun aga mung rai

　　Hpri ninghpra la hpe mung matsing

　　Mi ningma majan hpe mung zumhting

　　Hpan ningsang chye ningchyang mung

　　Nang e lang nna

　　Mungkan na tu matu e shingteng amying shamying

　　Hkrung mahkrung e noigong magyep sha- ding

　　Gasi nlu ai lam n nga

　　Ga ngau n mai ai lam gata

　　Labau jaiwa ndai hte wa

　　Dumsa hkringdat ndai hte gang

　　Jan sumri hte mung lu matut

　　Shata sumdai hte mung lu mahkai

　　Jinghpo ga

　　Waji marum ni jom ga ai ga

　　Jinghpo Wunpong ni a shawa ga

　　Ka ai: Magui No Ja