Amyu sha ni hkainu si zon gahkyin gumdin myithkrum
Shangon ningtam ga a labau hpe sumru yu yang, amoi Htip Mahti la hte Htip Mahti Majan a gasha Num Nkai ngu ai jan go:
“Oh yang ningchyun chye na jan, Ningtam shoi wa chye na jan re” nga tsun ma ai. Dai hte maren, nchyun a labau go grai galu sai.
Rai yang, nchyun amyu hpan go grai lo nga ai. Ga shadon: Bumlang shagong hkan madu hkrai shangon shapyo chyai, madu a marit ningtsing shali chyai ai ningchyun：
Goi i...
Nu a ma brang la chyamut ngai,
Gatsing hpunlap sha ai shingchyut ngai,
Nu a ma brang la gaji ngai,
Ntsa malen pyen shingkri ngai,
Nu a ma brang la bai ye ngai,
Hkonji sumshi hkrai shakre ai ngai,
Nu a ma brang la ladau ngai,
Hkonji sumshi hkrai shamau ai ngai,
Shagong bumlang du jang,
Marit ningtsing mi lu na zon nga,
N ra sumshi mi byu na zon nga,
Goi i...
(1)Oh shadang a la lon ni n ra yang,
Gatsing yan hpunlon ahpya ma ai da yo,
Nhkon a shayi ni n ra yang go,
Sumhpong a wa yang ga da ma ai da yo,
(2 )Chyinghkai wa li ni n ra yang go,
Larung yan sumhkran dum in yup nga shabran ma ai da yo,
Chyinghkai nu tsen ni n ra yang go,
Yupmang yan maumui hkai in marit shingran shamai ma ai da yo,
(3) Nba hkam sharo n ra yang go,
Ginding yan ga-nai amya ai da yo,
Lanyau a hkantang n ra yang go,
Galu a rummong numsha ai da yo,
(4) Sainam bungli n ra yang go.
Shalung yan shala shingkra ma ai da yo,
Mahprim a guilong n ra yang go,
Tingsa yan jan hkong shingkra ma ai da yo,
(5)Wurat yan wutsang n ra yang go,
Ginding yan la-ing shingla ma ai da yo,
Ginlung a chyahkan n ra yang go,
Walang yan zaidung mara ai da yo,
(6)Sagyau yan nga tang n ra yang go,
Ga hkyeng yan hkinggau dingsa ai da yo,
Ula yan tanggrau n ra yang go,
Ningsin yan ninghtoi ginghka ma ai da yo,
(7)Hkainu galang n ra yang go,
Uship Uhkai dingsa ma ai da yo,
Wam wam samui n ra yang go,
Ning-yam marang Jahtu in,
Lunghton lungbra na zainyi zaidung amya sharu ai da yo,
(8) Ntsa mu-gong n ra yang go,
Lamu a shanan shatu,
Bunghpoi a marang sharu,
Hka shi a hka nu shatu wa ai da yo.
德宏网（edehong.com）
