Mungdo gaba mungchying sha gasa zuphpong gaba dinggrin salang rado ni chyinghto ai majo, mungdo mungchying sha gasa zuphpong gaba dinggrin salang rapdo mu madu ningtau Wang Sin Zhai gasa zuphpong gaba dinggrin salang rapdo sutgan magam salang rapdo, son tot magam rapdo, mu htam gok, dup sumru dap re hkan na magam gun masha ni hpe woi nna, shata 5 pro 4 ya shani ko nna nhtoi 12 ya shani du hkra 《Yinnan mungdo gaba hkaimu gahtong lammo tara》 galo shagrin hkrat wa ai masa lam hkan jep yu ma ai.

　　Mungdo pati rapdo dinggrin salang, dinggrin lit gun mungdo up ningtau Lu Wu San jep gawan hkom ai ko hkan shingnan nang u ai.

　　Jep gawan hpung ni ginwang myu shagu na hkaimu gahtong modo lam sa yu gawan hkom nhtom, lammo gonhkang dap hkan na magam gun masha ni hte rau dung rau hpong let, ningra ai manghkang jom jahta yu, ginwang myu shagu na ni 《Yinnan mungdo gaba hkaimu gahtong lammo tara》 sharin hkam la ai lam, hkaimu gahtong modo lam masat shada hkrat wa ai lam, go maden, sharai, gonhkang, ja gumhpro tam gahkyin ai lam re ni shon shana ai madat mara la sai

　　Jep gawan hpung ni ginwang myu shagu hkaimu gahtong modo lam htep lahti rai gonhkang hkrat lu ai majo shakon shagrau ma ai.

　　Jep gawan hpung ni mungdo ting na hkaimu gahtong modo lam galo hkrat wa ai lam hta no ningra nga ai manghkang ko hkan nna matsun da ai, 《Yinnan mungdo gaba hkaimu gahtong lammo tara》 hpe aja awa hka-ja hko shabra nhtom, shawa masha ni yong modo lam makop maga na myit jasat jahpring ya ra ai, modo lam hpe hkang du ra, hkrang hkra galo ra, modo lam tsap hkra nna galo dum nta galo, masat ton ai ko lai nna rung rai hto shalai re bungli hkan pat shingdang ra ai.

　　Jep gawan hpung ni Yinkyang ginwang Htaihpyin gat mare Mansai ko nna Lunghpum mare lok 2 de du ai modo lam sa jep gawan yu nga ma ai.