Ganbu shawa masha ni“7.1 arong dazik”kumhpa jo masat hpong hpo ai majo grai gabu lom ma ai. Shanhte tsun ai, anhte dai ningshong sho ai suthpom pati hpung masha marai 29 a kasi gaja sharin la nna, myit masin langai hte, n-gun atsam ma hkra hte, mung shawa ni a ntsa hta akyu shon ai magam bungli gun hpai na ga nga ai. Shata 6 nhtoi 29 ya jahpot, Mangshi myu Funghpyin gat mare na ganbu shawa masha ni dat sumla hkrung ko “7.1 arong dazik” kumhpa jo masat hpong hpo ai jom madat jom yu la masai. Mungdo gaba “Gaja grau lahkong ningshon sho langai” shakon shagrau zuphpong gaba ko nna “Ningshong sho ai npot nhpang tsang hpongchyom” arong kumhpa hpai wa ai Gyehtau mare suthpom pati lakying mu madu Sen-a Han Wa tsun ai, Lam woi ningshong tai nna, shawa masha ni grau ngui pyo wa hkra woi galo na nga ai.

　　Sen-a Han Wa tsun ai: “Dat sumla hkrung ko kumhpa jo masat hpong hpo ai yu la, mungga tsun ai madat la re majo, n-gun grai lu ai, htomhpang de suthpom pati ko hkan let, shawa masha ni a nga sat nga sa lam grau ngui pyo wa lu hkra woi shakut na ga ai!”

　　Gyehtau mare hte deng masum sha gang hkat ai Lungchang n-go htot mare ko, Achang amyu ni mung dat sumla hkrung ko kumhpa jo masat hpong yu nga ma ai, Lungchang n-go htot mare suthpom pati hpung lakying mu madu Wang Shun Haishi sok masha hpe tsun dan ai, suthpom pati hpung masha ni go dingman ai, tengman ai myit masin hte shawa masha ni myit marong myit mada ai lam myit du ya ra ai nga ai.

　　Wang Shun Hai tsun ai:“Ngai go mare na suthpom pati lakying hpung mu madu re majo, mare maden shagreng ai bungli woi matut galo ra nga ai, ya nhprang salu pyun woi htan hkyem nga ai, shawa masha ni hpe mung shinggan n pru ai sha nta ko woi galo sha hkyem ai.” (Nhprang salu pyun galoi htan ngut na rai?)“Shaning htum wa de.”

　　Mangshi mung masa bongban rapdo na magam gun masha Tau Hung Yin tsun ai: “Ngai go nlo amyu suthpom pati hpung masha re, htomhpang de na hkom sa hkrun lam hta, gaja ai kasi sharin la nna, gun hpai gui ai myit masin sat lawat hte mung shawa masha ni mu mada ai magam bungli galo na.”