1. Malut lu yang gashu gasha ni a kung zen lam jahten hkra ai

Ma hkum num ni malut lu yang kan gata na ma bonu kung let wa na hte hkum hkrang kung gaba wa na lam hpe grai wa hkye hkra ya chye nga ai, ma gasha ni jong lung na shong ko n kung n let rai nna, jong lung ai hpang go laika hti ai hte  ganan son atsam mung malut n lu ai num a gasha ni hpe n dep nga ai, hkumhkrang galu lam hta mung ganu malut  n lu ai ma ni daram n tso nga malu ai.

2.  Myi man n tsom ai

Malut lu ai num ni go malut n lu ai  num ni hte shadon yang ginsa jan, hpyi ga- nyung, hpyi nsam mut rai nga ai. Grau nna go myi jut hte n-gup n-gai hku hpyi grau kyip ganyung kam nga ai.

3. Chyu nau n lu pru ai

Malut lu jang chyu ntsin abyi shapro ai yom mat chye nga ai, malut ko na ningtuk ni go sai ko hkan nna chyu ntsin ko hkan shang wa chye nga ai. Lani mi hta malut dinghkat 10~20 lu ai num ni a chyu ntsin kungkyin 1 hta malut ko na nikutin hauhke 0.4~0.5 lu tam shapro nga ai. Ndai go ma gasha a hkumhkrang hkamja lam hpe mana maka wa hkye hkra ya nga ai.

4. Jungfung ana lu loi ai

Shani shagu malut dinghkat 1~4 lu ai num ni jungfung ana lu shadang go malut n lu ai num hta htam 1 jan nga ai. Dinghkat 5 lu ai ni go htam 5 jan nga ai.

5. Ginsa ana lu loi ai

Malut lu ai num ni chyu pru lam ginsa ana byin shadang go malut n lu ai num hta 40% tso  nga ai, majat du ginsa ana lu shadang go malut n lu ai num ni hta htam 14 tso jan nga ai, mayat tsip ginsa ana lu shadang go htam 28 tso jan nga ai.

6. Aizi ana lu loi ai

Madung go ana htang hkrang jahten shabya kau ya chye nga ai. Malut lu yang ningsin hku, bajat du hte ana htang hkrang ni hpe chyinghkyik hkra ya nna, ana htang n-gun shagrit shanyem kau ya chye nga ai. Dai majo bung ai lakung lama gata hta, malut lu ai ni aizi ana grau byin loi nga ai.