Mansghi Funghpyin gat mare Fahpa mare rapdo Yingjin gahtong hta, asak 70 ning du sai Me Ai Wang Pau go ninglum jan hte rau, pali hte amyu myu re ai rungrai wa nga ai. Payi wa hpaji go Sam amyu ni a nga pra lam hta grai ahkyak nga ai, daini go anhte hte rau Sam gahtong de sa du nna Sam amyu ni a pali hpaji sagon yu ga.

Pali shit yang mung atsam langai re, shin dat ai pali go Me Aa Wang Pauta ko lam she rai nga ai, lahkring re hte Sam amyu ni a alak re ai shat kok wa shapro ton sai. Assak 12 ning ko nna Me Aa Wang Pau go gawa a hpang pali wa sharin sai.

Me Aa Wang Pau tsun ai:Sam amyu ni go pali hte wa ai shat kok lang ma ai, kawa bat wai sha nga nna masha e shat grau lu sha shgangun ai.

58 ning na sak prat hta, Me Aa Wang Pau go pali shit nhtu langai, lata lahkong , pali hpaji hte kan bau bungli galo nna, ta hpaji ndai e hton matut hkra wa nga ai.

Sam amyu ni go pali shit hpaji grai kung ai, mare gahtong shagu hpun kawa grai hkai shajang da ai, Sakhkung ga hta, kawa maling mu sen 24.47 du ai, hkoize, pali hte wa ai saboi, kawa hte wa ai lahkum ni go Sakhkung ga na nga pra lam hta dingyang mu lu ai. Mungdan hku nna hpun kawa hte balasatik galai lang nga ai so ginron lam shong ko nna, Sakhkung ga hta pali hte wa ai rungrai ni lang, tsit lali masa nga ai nga pra rungrai jai lang nga ai.

Mangshi Pingwu hta, Yu Ze Seng go pali hte wa ai rungrai ni dut ai, mayu e lang ai nga pra rungrai ni hta lai nna gaga pali hte wa ai mon shatson rai ni mung lom nga ai. Ga shgadon Sam num gasha ni ra sharong ai hkaban, pali hte wa ai jong ni rai nga ai. Bu hkom ai manam ni mung grai ra sharong nga ai.

Yu Ze Seng: hpun kawa hte balasatik galai lang ai so ginron lam go anhte a myit hte htuk hko ai, pali hpaji go htingwan makop rungrai re majo, htingwan maza lam n nga ai. Nga ai.

Yu Ze Seng shi sok masha ni e tsun dan ai, pali wa rungrai dut nna gumhpro lu tam ai hte rau, mari lang masha ni hpe mung htingwan makop myit masa lu shachyen dan nna myit grai pyo ai. Nga ai.

Lang Xiu Hkyen gaga mungdo gaba ko nna Sakhkung ga hpaga tsomra ning sa galo sai, shi a manam ni go Sakhkung ga na pali wa rungrai grai ra sharong nga ai, pali hte wa ai hpalap kok shanhte grai ra sharong nga ai. Ndai lahkong masum ya Lang Xiu Hkyen go Yu Ze Seng kawa hte hte wa ai kok hkying lam htet da sai, Sakhkung ga Sam amyu ni a pali hte wa ai rungrai ni sumtsan buga na manam ni lata ko du na re.