新闻动态景颇语-德宏民语文网

YINGKYANG GINWANG NA BUHKOM MANAU POI AMYU KUNGHPAN HPAJI SHADAN LU SAI

Ndai lapran Yinkjang ginwang 2024 ning na mungdan tsang nhtong sutrai pya madun manau poi ong dang ai hte hpo galo lai wa sai. Ndai lang na lamang go Yinkyang ginwang Jinghpo Wunpong amyu htunghkying hpung hte Hpinyang gat mare rapdo ni madung woi hpo galo ai re.

Hpinyang gat mare Jinghpo wunpong amyu kunghpan hpaji hton matut ginra Makok gahtong hta,shara shagu ko nna du sa wa ai mano manang ni jom hkrum zup nna, amyu myit hkrum lam shadan hkrat wa nga ai.

Shana ningrim rim ten hta, shayi nu num ni go tsom htap ai bu hpun palong mon sumli kau rai, yungui nsen madum sumpyi hte du sa wa ai mano manang ni hpe gabu gara hkap tau la nga ma ai, dai hpang htongka ni jom ka chyai rai ma ai.

Poi laman hta, Hkringwa dumsa gaba ni Jinghpo WP myu sha ni a Manau jaiwa wa rai nna jiwoi jiwa ni jo da ai manu dan htunghking hpaji maka jom shagu, ji woi maumui hkai matut hkrat wa nga ai.

Shata 10 pro 1 ya mungdan daido poi shani, n-gun mi alu nga ai mungdan mahkon gata mungdan donghkon shalun, mungdan daido ton lu ai 75 ning hkikhkam yingam hpe shakon olo nga ai.

Gup daru gup dagro la ngut ai hte chyigbau nsen hte rung nga, lahkrip ra ra rai manau nau nna, pati a cheju hpe shakon shagrau rai nga ma ai. Jinghpo wunpong myu sha ni marai rong, magrau grang ai, myithkrum ai amyu hpung shingkang shadan lu sai.

Shata 10 pro 2 ya shana de manau poi go ong dang ai hte ngut kre sai. Pati asuya ni woi on gaja ai gata hta, mung htingrep ga na amyu bo sang shagu ni myit hkrum shakut sa wa nna majan zinghka sa wa lu sai.

Yinkyang ginwang 2024 ning na htunghking manau poi go amyu kunghpan maka shadan ai sha nrai, mung htingrep ga na amyu shagu ni shada hpaji htinglai hkat, myit hkrum ai lam mung shadan lu sai.