Miyu igvun kau ma loqmu mai, gungdu sho ri zhaq zang lvoqra le mu gungdu sho lvang dat nyvung lui le. Ao ma gungdu sho nyvung migum paqzhvi zo chom wu wu shang.

　　Loq eq myoqzhi ma ne

　　Muigo ma gungdu sho ana paqzhvi sira mo dai dvo ri, myoqzhi awui ayam ma shogvuq gi zhaq nyvom le mu dam zhaq dap lui le. Myoqzhi awui ayam ma loq eq yishi ne man zhang, jau yen danbe eq nyvomtan danbe dat lvoq pyuq byvam lui, myoqzhi jo ma shogvuq nyvung lui le.

　　Chumbyvu byvu lui azing wu

　　Myoqzhi chumbyvu byvu lui duq jvi ze bui、loqpyo zhvi- nvan、datwup angvut zhang dat unuq bve ma wu zhang, myoq gvum awui ayam ma shoji sho wang gvun byuq lui, xi zhiwo ma shogvuq dat nyvung le. Paqzhvi sira mo dai ri, myoqzhi chumbyvu byvu zhang myoq zhvun nyvungko dat myo lvuq le. Duq jvi gu zhang ma wu ri me myoqgong zvung lui wu ri zhe ge le.

　　Yinxin(myoqkau ma ngvop lvung dvo) myoq gong zvung

　　Yinxin myoqgong yvang mai gi shogvuq adat lvoq nyvung, asu zvung gvat kun yishi myoqcam dvudvoq lui, chumbyvu byvu eq lazhung za myoqdong shogvuq nyvung lui le.

　　Yvup aluq

　　Yvupngon yvupluq zhang gungdu sho zhvoi le ga e gi dveng ra. Yvup e kun, gungdu shogvuq yvang gung yvang dat lvoq rva yu le. Yvup aluq zhang gi awo lvoq rva, myoqdong sho meme huihui lvang dat dut e mai lailui, myoqzhi oshut dat zhui lvang、myoqzhi nene wvauwvau dut、myoqnoq kong dat toq le.

　　Gop yvup

　　Gop dvo mu yvup zhang myoqdong ukuq eq dvepdvep dut lui, nayi isum qing tang ma myoqdong sho dat nyvung le. Gop dvo mu yvup zhang myoqzhi long ma dat wamwvau le. Myoqdong atoq shut hu, ulvum lazvui myvang gvut yvup ri gi gungdu shogvuq zhe jai le.

　　Zhvinvan myang myang ngom wu

　　Nyikang mo ngom dvo mu zhvinvan、 pyinban dat unuq bve dat ze nayi isum qing wu zhang, lingzing ngom myang lui gungdu sho dat nyvung lui le.

　　Kuxang tang nve

　　Kuxang tang yishi nve zhang, myoqdong shogvut de zang duinvun myo lui, myoqdong shogvuq nyvung lui le.

　　(Puqsu Mulat)