Laqo ngvutzhang gi pun gvat aqing, miyu mai dai gvat zhang gi 17-18aqing u ma zhe ge le.
    Iqo ngvutzhang gi pun gvat gan, yo lamu ma nyausu pun 1.5-2qenkeq, linfui pun 2.5-3qenkeq, anfui pun angvut mu linfui pun bau za gvat ri lazhvum alvum bo e ngvut le.
    Sumqo ngvutzhang gi pun gvat ri gi azo ngam dong mai gvat ra le, lin pun ri hi nyvun byi nvang mu, nyvun byi e an pun izhvam ma bik lvung mu yotung ma pun gvat zhang lage le.
    Myiqo ngvutzhang gi yotung ma izhvam bo e ra ra le, hau su angvut zhang pun gvat gewang lvoqpyuq byvam le.
    Ngoqo ngvut zhang gi pun gvat adamdam gvat ra le, fafui pun gi likdik lawan pun zhung ngvut le mu, pun gvat zhang gan shau mu adam dam gvat zhang ge le.
    Quqqo ngvutzhang gi lago zhepzho wu ra le, yotung ma pun gvat dvo tang ma, guqgam angvut mu ngizo duiwun qo lago zhepzho wu ra le, laqma su adu zhang gi hanhan izhvam pun pik byvam gvut ra le, izhvam sik tai gvat byi ra le, izhvam lvoq myvang byi e byengya bve  chung mu lui lazhang ge ra le.  (Puqgvasu Muiho Mugvai)