1. Mowui gvut bang, yvumsing zoshang ri yvumsing gung mirop kasu gvut gvoi ra gam ra nyan paqzhvi lago daijvo mvoqjvo ra ra le, zoshang ri yvumsing yvum ma e zhvinvan、inu iwa e zhvinvan、110zhvinvan、yvumsing yvum zhiwo、mowui loqmu zui zhiwo mu e unuq ma lago mizving gvat dvo nvang aq, dvanggve mai kasu e mu du tunghui hai mu zhang yvumbyu eq hanhan coqlvum ra ra le,angvut mu 110 je bve ri zhvinvan bat byi hai gvut ra qo banban lago mvoq byi ra ra le.

　　2.Dviqzvang zhong za doq shi e zoshang wui, myin ra layuq bau yilam age toq yong, yvumbvan toq ra ngvutzhang byinchang lazhum zo gvut toq aq, hai ra hai mu ri shidaq ge wu ge lum lvum le. Dum ngvutzhang, yvumbyu wui ri ka ma e le、aqing kamyvang e ra、duho hai mu ri yvumbyu eq kasu gvut coq lvum ra bve zhizhi daijvo dvo ra ra le.

　　3.Yvumsing bau yuqshiq e lvugvun zhang、datshin rung mu e bve byumyo byusup zhiwo ma kie. Yilam ma ngunze agon age chungtoq shitwun, ngun ri myomyo age laptoq shit, yvum ma ngunze wo le ngvu lui dangmo ri age dai, byuzheq byurvon bve chang ra son aq.

　　4.Ase bang eq kinyi, ase bang e ze ri age zo, ase bang e moqtoq modo hai ri age doqzhi, ase bang e tang zhe age chang.

　　5.Qo ma age nvo za e byu eq tunghui ri yvangmoq eq dang age nyo, byuzheq bve eq zhangbyvam ra dut le. Danggve mu, age byu nang tang haq chang hai mu zhang gi, byu myo e shut hanhan so wang, je bve ri zhvinvan haq bat byi, angvut zhang yvumbyu wui ri han le dve yu nvang le gvut gveq.

　　6.Byu zheq bve nang ri mvau shui chang ra son gvo e ngvutzhang giru gimyvo gegvat le, giru zhang yvangmoq nang ri awam kat loq hai mu le. Dum ngvutzhang, hanhan pang aq.

　　7.Wilam ma zoshang lvoqpyuq hai mu e ngvutzhang 110 je ri hanjvo han ho gvut ra dut le. (Wice Kongno)