Jvoshu joqmyo yam gi cammyvi wang lui yoq ngvut mu, lago ason zhe ri gi cammyvi lom be.

Ali dvan cammyvi ri gi ali cammyvi ga le, ali cammyvi gi nobau mai wang lo e likdik qung no e daplvum no ri ga le. Joqmyo nyuqnyun yam ri myo wang le, laisoq bve mai mut myvin dvap lvum mu zhiwo myomyo ma wo myin dap lvum le, nvut、nvo、myoqzhi mizho bve mai ri wo dap lvum le. Ali cammyvi no su e sigvan、nvap、ngaubyi eq no su e gungdvap ze bve mai ri ge dap lvum le. Ali cammyvi wang zhang gi ung nye, lagungdu e     zhvinzhvin ga no、shoji showang no、qungzvau、wum abo、ulvum no、uwun wun bve dut le.

Yinnan ming daplvum no gon  sira mo bve daibvun gvat gvo ri:

Ali cammyvi eq miyu cammyvi aqum zhang gi

Miyu cammyvi gi likdik ma qungdong no dvan dut e camyvi no, nobau gungdu ma wang zhang, byu gungdu cammyvi no ri wo zhan tang byvam le. Miyu cammyvi no gi achu chu、nvo zhit、nvapwing ye dut e mai lailui, qungzvau zvau、qung hui、qung yo angvut zhang gung nye e su ga le.

Akun, Ali cammyvi no gi datdap lvum e nobau mai wang lo e no ngvut le. Ali cam-  myvi no gi nowang lawan、myonye、lagungdu e azhvi aguq zhvinzhvin ga no、dap lawan lui, zvut nopyo dat dut zhe lo、sing ma zang zhiten、shoji showang ma zang lvoqshuk myo lui nolai gvang byuq e lvang dat bo le. No xi- zhung mangzo wui zhe dat myo ra, haumu wo lai lvang zhe lvuq myo ra.

Ali cammyvi no lazan lazhung dut le, haumu, moqpung ma zhe wang lui le, diqa gi zonu、mangzo wui zhe dap lui le, byu e la-    byvat advan dvan e ali cammyvi no dat tunghui le.

Ali cammyvi no gam yung

1, Shiwa zhiwo shau e. Joqmyo eq nyuqnyun yamyoq tai lo yoq ri, angvut zhang yamyoq dvau ali cammyvi no e hau u, byupung moqpung angvut zhang laisoq arot zhang ma shau e aq. Zoshang、asak 65zan atoq bo e mangzo、zoshang gung wun e myiwe wui zhe yvang sidiq ra dut le. Lago gam ge ra dut le, danggve nvut ngvop zvung.

2, Gungdu sai byvan. Gungdu lago jvetjvet lvoqbyvan zhang nobau ri wo lvom tang byvam le.

3,Yvup luq、zoshuq gon ge ra le. Lanyi nayi 7qing myit mai 8qing myit yvup bang eq 4qing myit za yvup bang dvu gvat wu zhang, nobau gam wum lawui yvang shau byuq le.

4,Lago zo, wumman lago rva. Zoshuq lago gon ge zhang ri nowum gam zhan tan le, wuisinsu C myo lvuq zhang no gam zhan zhe tan le.

5, Lago lvoq nye. Nye ngam tailvik yoq ri byu gungdu ma wum o zhe nyvum jo byuq mu, ali cammyvi nobau wang lui le, mausoq wo ri dvu mu mebu myo wut shau wut gvut ra le.

6, Yvumsing gung sanseng ra le. Ali cammyvi nobau gungdu ajo jo ma gop dvo le, haumu, yvumsing gung sanseng ge ra le, likdik loqchi myoqchi bve gvut zhang ali cammyvi wo gam le.

7, Yvumkau laisoq rot ra le. Ali cam-  myvi nobau laisoq eq wo mut dvap myvin le, yvumkau ma laisoq rot nvang ra le.

8, Nobau lago sat. Ali cammyvi nobau gi nye awo zhan,  100℃ nye gu eq nayi 1minit gvo nobau nyve sat; Buizvo zhveq zhveq ma lvap gvilvang ge le.

9, Ali cammyvi no gam chi tau. Akui jo ngunze lom bang ali cammyvi no gam chi tau ri gi zhe jai le.Lvomo 6qap e zoshang mai 3zan e zoshang ri zoshang ali cammyvi nogam chi ge tau le, asak 3zan lai be bang ri gi gvo bang ri tau e ali cammyvi no gam chi ge tau le.                            (Mulat)