Yishi myangmyang loqpyo zhvinvan、dat unuq ma wu tungzvuq dvo zhang gi, nang myoqzhi dat ne, ngaubyi ban lvoq toq shang byvam le. Myoqzhi bvan、no、yo、ne、nye、azing bo dvo e su ga qi、myoq wupwup dut lo zhang gi myoq amyang no dut lo be mu ngvut le.

　　Myoq amyang no gi ao ma dai dvo e mizho mai myo toq le:

　　Asak mizho mai Mangzo wui gi asak gvo lo magang ngaubyi dat shau lo byuq be, asak 65zan lvai be mai gi zhe yvang dat dut mu, myoq wupwup bang zhe myo le.

　　No mizho mai Myoqzhi jo no, danggve advan dvan e myoqno bve mai ri myoq amyang dat dut lo le.

　　Chi mizho mai Myoqjvum myoqbvan myoqchi wing gvat angvut zhang myoqchi wing yishi chung bang, myoqkau byvam ma ze ban zang lvoq yom lvoq shau be mu myoq amyang dat dut le.

　　Jiqsu mizho mai Myiwe wui me gvan lo zo ma、zoshang gung wun dvo u、zoshang ri nau huq dvo u eq baudung chi zo nyi e bang, xibve mizho mai ri myoq amyang dat dut lo le.

　　Igvun zoshuq mizho mai Aqing myangmyang laigva wu、datwup wu、loq zhvi- nvan sup angvut zhang akau ma haq lvung dvo e myoqzhat zvung bang, myoqlap lap e shau angvut zhang myoqlap lap e ara lui, ngaubyi toq byvam e myo, myangmyang myoqdong sho bve azang duinvun dut mu zhang ri myoqzhi ma zhaq dat zang lvoq ra le.

　　Zhiwo mizho mai Mausoq jvoi e zhiwo ma nyi bang, danggve myikau dum、pui- lvau lai bve mizho mai ri myoqzhi zhaq zang lvoq ra le. (Mulat)