1. Lakmat byvoq dvap lui mingbyu ri mvau. Gabang zhakrung ma e lakmat、mizving ko bve mvau chung, mingbyu ri jo si-ngoq nvang, ze byvoq sairvang gvut e bo le. Danggve sairvang zhakze ma myo myang le gi yopuq shamqam、ze byvik shamqam、shai ze bve, atoq mai wu dvo ri gi dviq gvo、isam lazhung zhung za dut lui ajing abyvoq awo wu toq.

　　2. Howa zhakbyvoq eq mingbyu mirop qo. Zhakze ma zhakrung lakmat agva qang, gabang e mying、tup jeq、zvum zong bve mvau byvong chung e bo le. Xisu mvauchung bum e myo myang le gi howa zhakze kingngau bve ma myo ra, danggve chaiyu zhak ma e myiwa lengan 、quzhu、penyuq zui ga e bve. Ade lumzhing e su ngam zhang gi zhepdveng lakmat dung yu ra dut le.

　　3. Byvoshit laigva byvoq mai byu ri mvau. Myitnoq wun e zhakrung lawam gi byvoshit laigva byvoq gvut toq e zhaq myo le. 1qo yvumsing ze ma “zhimu myvang、zhimu sik、zhimu ze”ga mying mvau lang; 2qo ze chung zhiwo、ung zhang eq wo ungtoq e sai dai myo; 3qo ze chung gewang sai dai gvo; 4qo byvoshit laigva dangzhi ma abyvoq ajing kadong wu gingkaq ra、abyvoq gam dangzhi bve gva lvung le gvut lui, mingbyu wui ri jo lumzhing nvang agvo.

　　4. Lakmat laigva byvoq mai byu ri mvau nven. Ge ung lakmat、zui toq lakmat、ze zhep dveng lakmat laigva, lakmat ri abo shi e ze ma mvau gva dvap dvo; Gang bang e lakmat ze mvau byvong chung lui, mingbyu wui mvau nven yu gvut e myo le. Haumu, howa zhak ze wui e kun, sengang e zhakrung lakmat lago zhep dveng wu ra le, ra zhang gi sengang e rungwap ma lago myigon wu mu wui ri ge le. (Puqsu Mulat)