Zoshang moi ase ga le,asu e zanwut gvo lo be mai gungdui myo mumo zui hai muzhang myit byam, uwun wun, myin ri yvup aji zhang sing nan nviksoq sup, soqtung tung hai dat dut le, Mangzo bve isu dut zhang gi nviklvum dui e age mu dat ngvut le. Nviklvum gi byu gvang dvui coq ngvut le, nviklvum adui zhang byu ri cham le, yvang dedui lawan den nyvam, angvut zhang laqing ri dui lawan laqing ma gi nyvam gvut dut zhang byu nyi a ngon ge dut le, myomyo gi mangzo bve myo dat dut le.Akun kisu son shiram ra lvu ga zhang gi:

1.Mangzo dut zhang layog ma lada no e wo zhep wu ri zhe ge le.

2.Danggve mu nviklvum dui e age hai mu zhang chi sira daijvo e dong mai lago ya ra le, yvumsing son e su chi azo nau zhang azo, gahu gazhung chi tai zo nau zhang taizo age gvut. kadong ngvut ri chi sira bve ri lago hi myi ge ra ra le.

3.Nviklvum dui age zhang ki de dui myo, yvumsing gung ri jowu mu kazhung mu za wo zui zhang kazhung za ge zui le, lai mai wummo kigvat loq.

4.Gungdu kilvoq joq ngam, ri kilvoq nye.Wuibu eq gungchi ri wui kinye myo ri kingam, gve jvo gve aq.

5.Kizo myo shuq myo zhumzhum za e sun eq shi myo zo, gapyi shau shuq,lapoq lvum ko ashuq gvut wo son sidiq ri ge le.

6.Ishau shuq, nyva abvok wo gvut zhe ri gi zhaq ge le.

7.Yvupge yvupji ra ra le, kide zui moi wun.

8.Myit lamlam lanlan gvut rara le, nvikzhum ayo, myit dat myvo gvut ra le.

9.Nowang ya ga rale.