B chau dem ri gung ung ma e zoshang gung qiloq ipyo ten aten e hai ri myang le,haumu,zoshang gungwun ri B chau dem wu e gi ashut,yamyoq lago gve ge ri dem rara le.

Xima son ra gi,B chau age gvut myo.Zhepzhvam wu gvo ri,B chau 5 da zang gvut e gungwun zoshang gi B chau 3 da za zang gvut e zoshang toq ma gung gvolo qo age e wang 2 dvu gvo zhe myo ra ga.Haumu,zoshang gung wun u B chau kilvum gvut,aqing yamyoq gve ri gvut zhang ngvut be.

Zoshang gungwun e laban 18-30 ban gvo ma B chau gvut zhang gi zoshang gung ten aten e ge myang be.Haumu,xi-u B chau lada wo gvut wu ri gi ge le,    zoshang ipyo ten aten e ge wu le.Zoshang wun e laban 37-40 ban ma gi zoshang kisu gvut lung dvo e ge wu be, danggve,ulvum dvau dvo advau dvo,choq dvui wun dvo  advui wun dvo e hai ri ge wu be,xi-u ri B chau wo gvut ri gi ge le.

Dveng mai dai zhang,B chau gi agvut ra gu e ma lason ri ashau gvut, gvut myo zhang inu gung eq zoshang gung 2 yuq e ma age wang dat bo le, ngvut ri gvut ra ra e gi gvut ra dut le.

Zoshang gung ma shaushau B chau lada za gi gvut wu ra dut ra,zhe gi zoshang ku buinyi zhvang lo e kun B chau wo gvut wu ri gi zhe ge le. (puqsu Muiho Mugvai)