(Hida le atang xi mai wu coq aq)

Bushi ma nobau gi Hebvanbyin, Kuiyangbyin, Fulanbyin, Jizhie, Yunbvan ten-nyuq ga e no bo le, kisu gvut fangge ra lvu ga zhang, joqmyo ri bau-u, baunu zo bve yubyvam, yokau mi yoq jo bum e buhaq, nobau myindap bum e shigvoq, Bushi haubve qom sengbyvam, shibu zo nyun lo ra hi mi zhihui butdvap byi, Zhihui 0.25 kg mi izhvam 18 kg gvat mu rara zi lvu nyvo mai izhvam eq nuqmun bi lvu nyvo gvat mu, Bushi gam zo mi gi gam gom butdvap byi, bumang gam mi gi 1.2 m mai a-o gu mi but zhang ge be, Bushi bo bo lo u gi He-tau tennyuq, Hebvanbyin, Tanjubyin, Yun bvan-tennyuq ga e nobau bve ri fangge zhang ge be, 1∶0.5∶200 Bvo e-dvoye chi bik a ngvutzhang Shilyu-heji eq baudong cau byvam, nobau zang e bugvoq zen       byvam, bau eq ngat e buhaq kubyvam, bau katzhvup byvam byi gvut, chi 50% bo gu Xinlyu-linruyuq mi i-zhvam 1000~2000 dvu gvatnyvo, 20% bo gu Jaqqing-juqzhi-ruyuq mi izhvam 1500 dvu gvatnyvo, 10% bo gu Jaqqing-juqzhi-ruyuq mi izhvam 1500 dvu gvatnyvo mu bik zhang ge be.

Lvomo 4 qap lvo-u mi gi, shigam lago sai seng, nobau hau bve lago gamge ra dut be. Nobau gamge ra ngvutzhang, 25%  bo gu Myeqyuq-nyauxen-ruji ga e chi mi      izhvam 1500 dvu gvatnyvo mu sikbvun toq mi bikpyun byi, a ngvutzhang 50% gu    Xinlyuson ga e chi 25 g， myizve 5~7.5 kg eq rara zi lapnyvo gvat mu, sikbvun toq mi san dvo, hauzhang sanghi koqtoq gvat e     Jizhi-e ga e bauzo ri wo sat byvam le, Bushi gvolo u gi Hebvanbyin, Tanjuqbyin, Jizhi-e ga e nobau toq lo ra qo ri midung gvut fangge ra dut le. Lvomo 5 qap lvotang mai lvomo 6 qap lvo-u mi gi, myibo noq eq nyvensat byvam, a ngvutzhang byu eq Muchihoq, Yunbvan-tennyuq ga e xibve katzhvup      byvam gvut, lvomo 6 qap lvo-u ri, 50% gu Xinlyulin-ruyuq ga e chi mi izhvam 1500 dvu gvatnyvo mu bushi gam lvingquq bikpyun byi,  hauzhang Jizhi-e ga e bau ri wo sat byvam le. Lvomo 7~8 qap ri Bushi  gvowang lo zhang gi buinyi 10~15 nyi gvo jiro mi Xinlyulin ga e nobau sat chi bve la dam qom bik gvut, 2~3 dam bik byi ra dut le, bau eq zang ngat dvo myang zhang raurau batqo byvam mu niknik zi kai-um       byvam, a ngvutzhang nyve qo byvam gvut ra le.

Lvomo 8 qap lvotang mi gi Bushi gam wang mi zai hi dvuidvap mu, shigam o-mi luqgok wazhap bve dvo bum dvo mu, bauzo bve ri nyven sat byvam, 20 nyi gvo jvo mi Bvo e-dvoye ga e chi ladam bikpyun zhang, shihaq ri zhe wo migum le, Bushi myving lo zhang gi, bau eq zang ngat e shigvoq haubve qom zenbyvam, Baushi chi bik gvut abvun mai yvang nobau xibve qom sat      byvam ra le, shihaq yoq nam ri yoqjo dvo e shihaq, shicham hi shum seng byvam mu, shiyo ladam dum qom kaiseng byi ra dut le, hauzhang sheq shiyo mi nobau a myindap bum ra dong abvun mai yvang lago lawo gamge le. (Ban be)       (Puqsu: Goq Mutuq)