Xi jiro, Gongdvung ma zhiwo lawam mi Denggeqreq eq Jikungken-yareq ana no zhaq toq bum ra, Jikungken-yareq no         xizhung ngvut zhang, Jvanggva eq zang ngat mu dap lo ngvut le, Jvanggva xi no dap gu byu ri zang ngat e mai yvang gung mi ri noduq bo dvo be, haumai gabang ri dum zang ngat zhang noduq xi ri dum zang dvoq byi be, noduq xigi o ri ri wo dvoq byi le, 1 qo noduq xizhung dap zhang gung dat nye dat joqnan 39 mvak lvang dat nye zhe ra, miyu ri gi lanyi mai 7 nyi gvo mi gungnye ri dum dat byuq lo le, 2 qo gi loqyin qiyin loqnyvui qinyvui bve dat no, qiput eq goqsan bve ri dat no lo le, 3 qo gi dat chin lo dat yo lo le, no xi dap bang 80% gu 2 nyi mai 5 nyi gvo mi loqbu qibu loqwa qiwa ka dat chin lo dat yo lo le, akui jo, Jikungken-yareq no xi ri wo ya e chi ge gi a wo sai toq shiq, notang chi ri a zhoq shiq, haumu Jvang ri gam ge ra gi midung ngvut le, yvumkau mi jvangsut lago jan ge, jvang sat chi eq jvang sat myibo haubve ri ge chung le, yvumbvan toq zhang buhing wut lvohing zvung ra dut le. Izhvam ading dvo zhang Jvang ri adat nyi loq, laban kangmo nayi 10 minit gvo tong toq lo mu yvumkau yvumbvan ka dving dvo e izhvam sengbyvam ra dut le, yvumkau mi wui eq ho dvo banbo arvang ri laban kangmo izhvam taibyvam ra dut le, midung gi a-o lo e dvau, jvautung, zanghoq haubve lawan wan sengbyvam ra dut le, nganvung banshoq bang Jvang ri lago gam ge lui yvumbyu wui wangzan qo ri chom migum ge shang.           (Puqsu: Pauyam Mubyen)