(Hida le atang ximai wucoq aq)

Zhvanmusi xensen gi chirung mai toq lo tang mi zhe ri zhe Xauqung ri zi lalum byuq a lo, haumu Xauqung le e tang lazvui jo gvat eq gi nvikzhum yo go lolo dut nyi be, yvang gi Xauqung eq kunngvui te mai ngonngon zi ga ngvap jvo gvun e laigva jo lui zangzo wuishuq、imyit dang dai gvun gvut nyi man lo byuq be, haumai yvang shibyuq tang mi kisu su gvut ra qo bve ri Xauqung ri shui ming lvum gvun gvut ra. Haumu, Xauqung gi       Zhvanmusi xensen xi hai mului yvang ri xi- myvo shunvu lo、lum lo le lvu galvang lazvui zvui myitmau myitjuq lo nyi be, juq lo le gi Zhvanmusi xensen xi yvang gung mi hai da lo le lvu? Byuwo bve imyit hai haqmyit dvo      agvo lvang ase loq ga, asu gi Yvehan ri nyi dvo le wa ga myitbun gvat zhang zi imyit lamu lo ra ga.

Zhvenni gi Xauqung e dangkau xi bve ri lazvui ri abe chang se zhang, asu gi yvang ri dangkau wo su be.

Lvomo 2 qap hi le lanyi ma ri, Zhvenni gi gai qokat tungzhvun zo ma gapyi seng mi zhaq ngon za e laigva latung ngvap moq zuq nyi le ma, ashau shinggvang za e yuqge zo mi- dvan mi yvang hi ma so le lo mu, wuiwui zi gvut le myi gvat e gi: “Kimyvo qing zhe lo be lva?”

Zhvenni lvomdvu daijvo e gi: “6 qing zhe ra 15 minvik zi ra alo”ga.

Shinggvang dik e yuqge zo xiyuq gi so gang lo nvo ri agvut gvut dai jvo lo e gi: “Ngo ri gi Jekeq ga le” ngvu ga.

Bviming ming byu bo ri re ge ra ga myit lui, Zhvenni gi yuqge zo xiyuq e myoqnvo isam ri imyit mi wu zang su ga mu, Gapyi seng mi yvangnvik bau bviming bviman ming noq zuq wang lvum lo bigvo. Xauqung toq lo ra yam zhe lo shoq zhang sheq Jekeq gi zang ming noq zuq myang lo e lamyit bun lo ra. Haumu dai lo gi: “Wai! Ngo mu bo ashi la ngvut e wa lo ra dut be, akun nang ximi ki- nvam dum le lo ra?”

Zhvenni wuiwui zi gvut dvu dai jvo e gi: “Laban nyinyi sheq le lolo mu le ga.” haumai Jekeq gi hanggang zhaq awam nvo zigvut dvoq so lo izhvang dai jvo dvo e gi ngo nyi le zhang gi xi zhvangyam mizi ngvut le ga.

Yvangnvik buinyi aqing a midat lvum dvo gvilvang Jekeq gi Gapyi seng ximi anum dum rot le lolo mu ra. Zhvenni gi Jekeq ri   zhvitge haq ge byuq e mai, yvang e imyit dang xi Xauqung ri pok zi lo dai toq jvo gvun e gi: “Ngo Jekeq ri wu zhvit byuq be, asu gi yvangmoq igvun su mi ngo dum lo nau dum juq dut nyi ra, sumzvoq xi tunghui be mai lvom gvilvang awo lvom zing loq ngvut ra”ngvu ga.

Xauqung gi Zhvenni ri wum ashau dai cung jvo nyi ra, yvang zhaq myang mai zving mu wo zving dvo e dote ngun dveng lap toq lo mu, Zhvenni loqmi gvatbyi mai zhvoi za mebu e wui wut aq ga ra. Zhvenni ngon wang gi Xauqung e ngon wang ja be, yvangnvik gi dviq ashi kun mai laha lum chang lum gvut nyi gvo lvum lo mizho, shidaq e hi ri gi yvumsing hi ma toq zhe myit byi lvum agvo.

Xi nyi gi Xauqung chirung mi Zhvanmusi xensen ri e gon nyi le ma, chuizo kubau rung mai yvang ri zhvinvan batbyi gvat gvo gi rau byam dvau lo aq, Zhvenni yvangbau yvumkau mi kumjvang jvanglung dvo lui giru gimang shit ga ji-ngau lung dvo ra, o hai e-myi ri re adai jvo, wu gungyui dik ra     ngvu ga.

Haumai Xauqung gi Zhvanmusi xensen ri yvo dvo mu, jinjin zi dvau lo be. Zvomra laban ahui lvum lazhang gege ma ri Zhvenni gi asong zo dut lo byuq shoq wu shijo shi nvo zi gvut dut byuq be, ga-u gi ne shibvat ladut e myoqdong mi puilvau labyvam dun but dvo ja be, aji kak ma qiloq bve gi qicik lvang nan zhang be ngvut ra.

Gege ma ri Xauqung dvakson dvo e ja sumzvoq dum zvoq gom gvat mu dve ngvut ri kai ga gi roq mi roq yvang dut dvo lang be. Xiqo mi yvang gi lazvui lvang aong dik ngvut ra, yvang zhe lang zing nau zhang subve zhe gang zhvut toq lo gvut ladut sat shi dvo be, yvang hi ma mu gi Xauqung ziyvang la bi  myit se ra, shijo po eq yvang gi dviq ashi kun mai yvang, yvang yvumsing bau e ze ga gi abi wo wu zhang shi, xibve myomyo gi chuizo le nyi dut e mitang be abe ga zi ladat myittaq dving mvau a lagvo.

“Asu xida gi gada le eq aqum byuq loq.” Zhvenni e ngaubyi awo lvom zing byuq loq, “Yvang dai e gi yvang ngo myit dvo dong wosut byu angvut, yvang ngo o nau e sum- zvoq dong ri awo gvut dut byi, dum ngvutzhang yvang gayuq myiwe zo ri dum ngui byuq be ga, asu ngo gi yvang kisu byu zi ngvut gvilvang hai su a-ngam, ngo gi yvang ri yvang zhvit le ga.”

Zhvenni ri wu u-qi dik mu Xauqung dai e gi: “Ngo nang ri kisu gvut girum zhang ge ra lvu o?”

Zhvenni dai lo gi: “Naqma ngo yvang eq selvum e gapyi seng mi myang lvum nau ra, nang ri se dvo be, ngo gi wosut bang ri zi wu nau su angvut, xibve nang mai le bi dai san jvo byi laq ga.”

Xauqung gi Zhvenni bvai dai dik e isam ri wu shi jo dik mu, u-ngut ngut yu be.

Tang nyi le myin nali 10 qing gvo mi Xauqung gi gai qo kat tunggoi mai goi lai lo le gazhang, Zhvenni eq yuqge zo layuq kihot dong zhau e dvangkuq mi zunglvum dvo gvo byu-myang gvat be, hai myoqmyang myang be lvu ga myit mu, yapno gvat e mai sai wu gvatzhang gege ma ri Yvehan sheq dut dvo lang be, kisu mu xisu dut dvo langbe lva ga myitmau nyi le ma, Zhvenni myoqnvo isam mi wu gvat zhang gi yvang zhvitnoq zuq lo e Jekeq ga nvo zi sheq dum dut dvo mu mau na shi be.

Yvehan eq Jekeq gi layuq za dvi? Xidong ngvut e ngvutzhang yvang gi yvangnvik ri mvauhup gvun su dut be. Adat ngvut dveng kai? Zhvenni ga ri yvang goyuq ri zhvit dvo le laga wa, asu gi layuq rizi datchom zhvitlvum dvo gi mau dik be, yvang hai mului mying imying wo le dvi ga mu, Xauqung gi zhe son zhe don don dik gu e imyit gi ahut ahat gvut chirung qo dvau zhe lo be.