Byinlvang lang jo gvat eq zhang ashau yvang jo ngon dik e wuilang , yvang gi nga imyit ungkau ma zhvoi nau aban e sum la lvo su nga e gvo lo soq ri bi mizving su yvang ngvut le. Ngo wo bun dvo ri Byinlvang lang gi jeng san dik mu zoshang byinchang wui e wuizui isam lvang myoqzham su wo myang e ngvut le.

Dviq dvo ashi kun ngo lazum zo bve eq ngozo zhvup gvun, ikau puq gvun, seyo shicham pyoq zo gvun gvut ri ngon nau byoq nyi gvun lai lo e aqing ri dvau myit gvat wu zhang anyi nap su zi la ga dvo aq shi.

Gvo lo be tang waqngan zoram dut be mai gi wambau muzo kat toq ho zuizo ra dut e mizho， azhung zhung e wuiyak mu ri tung hui bum lo lui，imyit ungkau ri shukshak bum lo be. Asu ngo Byinlvang lang mi zi dvau zhe lo mu jeng san dik e wui yui te lo jo gvat zhang sansan zi ga imyit dum ngon lo be.

Byinlvang lang gi byu e imyit wo lvoq san e wuilang ngvut le, byu e imyit wo lvoq jing yu e zhiwo ngvut le. Byinlvang lang yam mi zung gvun zhang byuze byuyap qo mi imyit kisu taqdving lui dingding manman zi so e lo ra qo wo myit rot yu le. I su gvut zoshang byvat le lazum wui ri myitbun gvat, laha chom sup gvun lai lo e aqing ri dvaumyit gvat zhang,nga e muzui wum-o dum zuq lo be.

《槟榔江》

槟榔江，她就像我心中的一幅永恒画卷，记录着我的童年和成长。记忆中的槟榔江，明亮如镜，映射出我天真无邪的笑容和无尽的欢乐。

小时候，我和一群小伙伴在江边尽情玩耍，摸鱼、捉水蜈蚣，还有摘江边的野果。那些欢声笑语、无忧无虑的日子，仿佛昨天才刚刚发生。

长大后，生活变得复杂起来，许多烦心的事情接踵而至。然而，每当我回到槟榔江边，听着潺潺的流水声，我就会感到心灵的平静和安宁。无论生活多么艰难，只要坐在江边，看着清澈的江水，听着水声，我就会感到一种深深的安宁和放松。

槟榔江不仅是一个放松心情的好地方，也是一个能治愈烦恼的地方。在这里，我学会了坚强和勇敢，学会了珍惜眼前的一切。每当我遇到困难和挫折时，我就会想起这里的美好回忆，想起那些儿时的玩伴，这让我充满了动力和信心。那些曾经的快乐时光，那些无忧无虑的日子，都成为了我前进的动力。

德宏州融媒中心记者 金况龙