Wap ma lusik Lvomo 11 qap 2 nyi ri, Sikung mau nvikbo ganbu Xi Jinpyin          byvatsik Zhunggo zongsam bo e shehui zhuyi myit misa mingman nambat 2 da mvoqbvan zuppong Mangshi ma pong agvo.

Mau wapdoq shuji Jangshan, mau wapdoq fu shuji、mau-up zau Wuigvang, mau wapdoq fu shuji、mau kojvo rung rung-up Sunjeq, mau mingbyu gungtai wapdoq zhuren Li Zhenhon, mau upkang dvira bongban wap ningbo Hong Liyun bve mvoqbvan zuppong le bolom agvo.

Mingman mvoqbvan zuppong bolom e banshoq bang, Zhunggung Lyangho teqwui mizving yvum ma zhe lo lui, Dang wang kun le dangdik dum chom dai, Dangmu mvoq- bvan、imyit ungkau mvoqsan yu gvut agvo. Kat wu mvoq e akau ma, banshoq bang amu daisan jvo su daisan jvo e ri chom jowu, dvamtoq shit dvo e azing ze ri lago go kat wuwu, Zhunggo Gungchandang Sikung amyvu kangmo mingbyu wui ri shui shigut lo e qo chom dvau myitbun, bvunlai sirve bve arong bo dik e mujing ri chom dvau myitbun, bvunlai labau mai shigut shizhaq wumzuq myit mvoq bo yu gvut agvo.

Mvoqbvan zuppong bolom e banshoq bang zhang yvang ma wu mvoq, sira eq    mvoqbvan jvo le gvut gvo e mai wum-o zhaqyvang wo mvoq zuq bum begvo. Banshoq bang dai gvo ri, Zhunggung Lyangho teqwui cuq e mai, Sikung rapra liklai qo ma bvunwang cuqging dvo be, labau xi tung ri dvau myitgvat wu zhang, Gungchandang anyi ri Zhunggo sik azhoq ga e dang xi kun ri zhe nik shoq mai wo se yu be, Dang tang imyit adui chang ra myit zhe ding be. Bvunlai sam coq chang jo lo, arong bo dik e tungking coqchung jo lo, yvumsing wunwo a dvomyvi gvut wunwaq zui nyi, coqcoq sai shigut lui         byvatsik muzo zuige ra ngvut le. Xi Jinpyin byvatsik Zhunggo zongsam bo e shehui zhuyi myit misa ri dvunshit qo gvut dvo, Xi Jinpyin zung shuji myitlum、hun qo gvat e amu lago zuisai e lo, Dang e 20 da zuppong zhvum eq Xi Jinpyin zung shuji Yunnan ma lo lvingwu kun daitoq e midung dangzhvum nik mai mvoqchang e lo, zhvungwang muzo nik mai mvoqbvan e lo, ming wapdoq mai pyaizui e“3 zan ma ganzvang mo zui doq、8 zan shigut zui ringzhat、15 zan ma qigvam mo zuitot”ga e zuisai mu-u banban zuisai e lo, mau wapdoq mai pyaitoq e“Zongsam bo e yo muzo zuiring、ponglam e mauyam muzo zuiring、laili lamgvun muzo zuiring、byvatsik mingyam gonzui muzo shuqshap shit”ga e zuisai qo ma wum-o myomyo gvattoq, mingyam amyvu kangmo mingbyu wui myitlum myitlang dvo e nguingon nyiyap qo chom zuisai, kuqlai ringzhat muzo、dingman muzo kat kangmo banban zuisai gvut, Zhunggo byvatsik muzo zuisai qo ma Sikung ma e musik zuitoq ra ngvut le ga.

Xi dam le nambat 2 da mingman muzo mvoqbvan aqing gi buinyi 4 nyi gvut pong  agvo, xi aqing ma, zhang yvang ma e chom wu mvoq、laha chom mvoq、apung pung gvut gam lui chom minglvum gvut e dong mai  mvoqbvan agvo.

Ming wapdoq nambat 12 da amu kat chowu e ma chang zhepwu nyi pung, mau wapdoq zhvungzui suwun pung nvikbo, mau mingbyu gungtai wapdoq、mau asuya、mau upkang dvira bongban wap nvikbo pung pungbyu wui, mau jiro zvang mingbyu mira pyit rung rung-up, mau mingbyu dvira mu zhep rung rung-up bve ri le bo mvoqbvan agvo.

(Puqsu Mangshang Langdving)