Wap ma lusik Lvomo 11 qap 3 nyi ri, Sikung mau Yungchang zhvitmyit girum pung shuion lui Yinjang ginwang Mungnung mauwa 9 zan latung za gvut doq e zhong ma zhe lo mu, zhvitmyit girum muzo lo shui pongzui lui, igvun wuiyak e zhongzo bve ri byuze ibyvat qo lo tuq san byi agvo.

Kizan lvomo 10 qap ri, Sikung mau Yungchang zhvitmyit girum pung bang, Yinjang ginwang Mungnung mauwa 9 zan latung za gvut doq e zhong ma e bummau amyvu zo zhongzo bve lawam igvun zhaq wuiyak ra, zhong ma zhongdoq kingze bve zhaq ra dvo ra ga e ri myangse lui zhvitmyit girum pung zau Zhau Shundeq mai Mungnung mauwa 9 zan latung za gvut doq e zhong ma zhvitmyit girum mu xi shui pongzui mu, yvumsing mai hi yvang ri ngun lamun koi girum toq be, xi dam le     zhvitmyit girum mu ri o ri myitzhe mu lui, 3 nyi aqing ma girum toq byi gvo e ngun gi 5 mun 7200 koi, zhvitmyit girum pung mai zhong ma zhongdoq sibvoi 100 tau eq denziqin、lanquq bolung、zu-quq bolung bve wuibyi, jiro zvang zhongzo ri ngun 1000 koi、dviqzvang zhongzo ri 720 koi girum e gvegan mai igvun wuiyak e zhongzo 20 yuq ri girum ngun zhaubyi gvut agvo.

Zhvitmyit girum zuppong ma, zhongzo bve zuppong zhe bolom e nvikbo wui、gungtai eq amu girum zui bang ri hunglinjin hut byi  agvo, Mungnung mauwa 9 zan latung za gvut doq e zhong ma e bang, Sikung mau Yungchang  zhvitmyit girum pung bang ri  “Myit e ma wo zhe, ngvam e ma wo kap qo tongbyi”ga gvadvo e dongkon zhvunghuq agvo.

(Puqsu Mangshang Langdving)