Lvomo 10 qap 27 nyi ri, Mangshi Xi- shan mauwa ma guqsik zangzo munau zumgo bvoi pong agvo. Mangshi myuq myuqzvang rungwap gungtai pung、Mangshi Zaizo amyvu ringzhat samlik gungtai pung、Mangshi mau myuqwa kangmo gungtai pung bve Xishan Mvanlen wa ma chom zupzing lvum lui, lacung lazan le Zaizo guqsik zangzo bvoi ri chom gvungdvon agvo.

Napjvo nayi 10 qing ri, guqsik zangzo bvoi ponghi gvat begvo. Mau myuqwa kangmo gungtai pung bang, guqzo muilvum wolan ra wun mu tung mai lang mai zhe zing bum lo gvo zhang, Xishan mauwa wabyu wui gi zing-ut bat le gvut lvom dvekap yu agvo. Guqsik zangzo bvoi gi Zaizo amyvu wui jvoshu yoq ri gvungdvon e、cangpun mili ri ajvu bum e tungking bvoi ngvut le.

Myintang nayi 2 qing myit ri, sut munau zum hi chom go ngon gvun begvo. Zumhi lamang pung bang ri wajang muqjvup wo zvung byi gvo eq, tungking mebu ra mvonkang bum e buinum gumang wui gaulam zingjang te jo, gauto yinmang te rva mu, zumhi lamang pung tang chang ma qidvu rapra zum chang go yan gvun agvo.

Munau zum gi Zaizo amyvu wui go-    nyen bvoi ma go gvun、jvoshu yoq guqsik zangzo bvoi ma go gvun gvut le. Akui byvat munau zum gi Zaizo amyvu wui eq amyvu kangmo mingbyu wui nguingon nyiyap qo ri chom gvungdvon, zhviwvoi mingdan ri chom gvungdvon gvun e bvoi dut dvo be ngvut ra.