Xi jiro, Sikung mau lusik byvo wap Zaimying《Myithui laigva》long lazhang wap bang Mangshi、Ruili、Yinjang、Lungchon zhe lo mu, 2024 zan le Zaimying《Myithui laigva》long din wu bang eq bviming lo shui ming lvum wu agvo.

Laigva din wu bang ga gvo ri: “Zaimying《Myithui laigva》long byviktoq e zhvoi、laigva lazhvum bo、apau ri alvum tu ga dai gvo mai, hile toq ma zhe zhvoi, lazhvum zhe bo shoq, alvo hairi sai gvat lvuq mu, wu nau ladvung gvut saitoq byi gvo laq, laigva long ma gvat e lazhvum ri datwup、tebyvomai ri byvoshit gvo laq,hauzhang sheq loqpyo zhvinvan mai ge pong wu mu, sakram zo wuiri bo-myang bose gvo ra ngvut le”ga. Zaimying《Myithui laigva》long lazhang wap bang gi, laigva din wu bang daitoq lo gvo dang rung suwun ri lo shitjvo mu, banshoq bang lago pye nyvang lvum wu e mai, tangpyang sai gvut ge ra qo misat toq dvo bigvo.

Zaimying 《Myithui laigva 》long gi, 1985 zan mai sai hi e, lvoban laban ma lalong saitoq le, laigva banshoq 4 long ngvut ri, sanghi long ma midung lusik、2 long ma zhimu paqzhvi、3 long ma laili laigva、4 long ma zhiwo qanglu haubve gvat le. Zaimying《Myithui laigva》long xigi, nganvung Zaizo amyvu wui mingdan dvira tungzam eq minggvan soqsam bose bomu lui, byuze tang ajo ra midvu eq yvumsing amyvu nyiyap myoqdong lvoq myvang e laigva ngvut le. Haumu, Zaimying《Myithui laigva》 long lazhang wap mai maugom ma e Zaimying《Myithui laigva》 lvom wu bang ri, kanvam kakun ri anum le su gvut wumtuq byi nyi gvo laq, nganvung loqcoq chang coq mu, Sikung laili ringzhat qo wum-o chom tuq byi nyi shang ngvu, lumlum mau i lum gvat le o.

《德宏团结报》载瓦文报走进基层，与读者畅谈未来

近日，德宏州融媒体中心载瓦语编译部《德宏团结报》载瓦文报征订小组深入芒市、盈江、陇川、瑞丽基层，开展2024年报纸征订工作及读者见面活动。

在交流中，读者们对载瓦文报的印刷质量、内容品质、征订价格等方面表示满意。同时，也提出希望在原有的版面设计上进行创新，增加更多的图片提升观赏性，将报纸内容转化为如视频、音频等多媒体形式呈现，方便进行线上互动交流，以吸引更多的年轻读者和推广面。针对读者们的意见和建议，本报也将认真整理汇总，并制定改进方案及时改进完善。

《德宏团结报》载瓦文报于1985年创刊，每周出刊发行一期，内容涵盖时政新闻、科普知识、文化园地、地方综合信息等，是景颇族群众了解国家政策方针，了解世界的一个窗口。在此，本报也希望广大读者能够一如既往地支持《德宏团结报》载瓦文报的工作，共同推动德宏的文化繁荣发展。

德宏州融媒中心记者 何木介 金况龙