Zhunggo zongsam bo e pongshingra kikkam wunmong myvangmyvang waqdvu mu pongshingra shuqyung yu e mingdan zvinqit zham mu chom zuisai shigut e lo shang

(Hida la atang xima wucoq aq)

——Nganvung Zhunggo zongsam bo e qo mai go mingdan bang eq byincoq qom coq e lo, wacang myinkon chombvong mu zui ge, minggvan dingman yung yu qo migum ge, minggvan amu chom pye chom zui qo dveng yvang gvut zhe, wunmong sansan waq mu zikzo yung yu bang eq zikup dvira chung bang ri qom dvupuq byvam, yvumsing bau gvut zo yung yu, yvumsing bau migum yung yu, rvoi upzo qoso gvut bang bve ri nungzut abo byi. Nganvung go mingdan bang eq byincoq muzo sai lvoq ngap, minggvan ra zham e byinchang loqcoq byvung jvetjvet coqsai mu, minggvan loqcoq musik zui so e lo ra ngvut le. Nganvung mingdan mo ngvut e wunwo hapwaq shit lui, minggvan mu gon lazhang  zhvumbyvung kuqlai qo eq zuisai mu jvetjvet bo lom zui, Xin-gon zvutmun nowum    lvomdvang mu minggvan bang eq laha chom zui mu, minggvan mai lvang ra qeon bigvo. Haumu nganvung mingdan minggvan ma shinggvang wup bo lo, daidang wum eq shuizhe wum bo lo, panzui wum bo lo zhe wo dut be.

——Nganvung Danggon loqbvat tan mu nik mai qom zui wang lo, shamdvoq bat ri yvumsing gungwum bo ra dut qo zuqzuq chang mu, Gunzhvung changgan 8 kat misat chung lo mai, byvatsik Dang e zuisai muzo banshoq daitoq dvo, Dang e upkang dvira cuq dvo mu Dang e qokang muzo qom shui zuisai, Dangpung imyit zhup qo eq tungzam chang lui Dangpung gon qo wum-o lazhung za gvat toq, Dangpung kau ma upkang dvira chung tan, Dangpung kau chomzup mvoq mu zhin abyit zui nyi, byvatsik Dang e shuiso qokat daitoq, upkang dvira ma chang mu myitshop muzui byugat qin chung, upkang zhepgon mu zui tan, Dangpung kau ma zhe   kumngap e dvira tungzam zhvumbyvung cuq dvo, Danggom lumzhing myit shui ging, shuipung zhvumbyvung zau ging, dvira yungli lvoq tan mu xibve zuiso e lo. Nganvung age laijvang zik byvam mu eq dvira chung tan mu loqzui apyun zui nyi, mainaq(zhin) batzvuq wum chung lui “Age laijvang 4 zhung” bat zik byvam, zauwong wong nau bang eq zaugong gong wun bang gikpuq byvam, mingbyu wui nam ma e yvonrveq mu eq buppoi mu batzik byvam mu, ka-myvang myvang mai awo dvung e yvonrveq mu wo dvung byvam be, ka-myvo zan mai awo ya lo e nogang ri wo ya byvam be. Nganvung labau ma abo wu e buppoi tuqting mu zui lui, “Qingsho yuq ri lvoq shut ri, 14 dvung yuq ri awu gom nvang” wo dut e wunmu wo wunkap mai, shingra rvokrvak ming shuk lo e wo lvoq ding be, zau gvut bang imyit arup byak, age byak, agvam byak mu ra su larom gvut e lo, “Lo bat” “Yangkung byvuq” “Huizho jam” gvut laiqo mai gonzui lo, buppoi tuqting mu dvom yvang wo zui ong lui, banshoq dum wo lvom ging dvo be, Dang kau, Mingdan kau, Jemoq kau ma bo e yubau hai ri wo seng byvam lui, Dang eq mingbyu wui eq hun byi e ako chung lui, mingbyu nguingon yuqyo mu wo zui byi nyi be. Xisu ano shigut nyi qo ma, Dang gi yvumsing gung yvumsing bvunlai, shukshak mu toq zhang gonzik, yomsum mu bo zhang lvoq ring gvut ra dut e labau          lvingquq qo myang hotoq lui, yvumsing     lvoqsan, yvumsing saingap, yvumsing laige, yvumsing gvunggat gvut, Dang eq Danggon qo loqbvat atan mu e bvunwang wo liklai be, laijeng soqsan dingman e Dangkau upkang qo ayang wo ge ringzhat lo be, Dang gi     labyvat apoi, sam abui, shom awoi wo gvut zhe nyi le.

Dang eq mingdan amu minggvan mai ra myang e ongshi wo yu be ngvut ri, san yvang myang zhe ra dut le gi, nganvung e muzui qo ma gvut azhe e zhang bo ashi, wuiyak e mangkang mu ri zhaq bo ashi. Midung gi: ringzhat gan awui, aban wo ringzhar mu e bo bum ashi, jai za zui ringzhat lo qo ma lvomdang dvo qo myo myo bo ashi, zhimu panzui wum-o awo tan shi; Jaijai za e guqzo, cangpun, zuitoq ze zapzap wo tuk byi ra eq     sutngun yakkak qo wo tangzing ra mumo zhaq yvang piran ra dut ashi; Midung mili kuqlai wui e mu zui ra myo bum ashi; Myitbun myitse qo ma shukshak jvamjvo e myo ashi; Myuqkau eq yvummau ringzhat aqum qo eq sutngun gamchung ara mu lvum dik ashi; Mingbyu wui muzui, paqzhvi mvoq, no ya, zoshang shui, mangzo kubau, yvum lung qo bve zhaq wuiyak ashi; Zhoqnyi mili migum wunmu zhaq yvang wun zui ge ra dut ashi; Dangyen, ganbu lawam wolai arup waq, tuqting wum-o aluq, muzui zhisai wum azuq, zuisai aqut aqang gvut, zaugong gong lvum gvun gvut e bo bum ashi; Zauwui imyit buppoi e shira seng byvam wolai zhaq wunzui ra dut ashi. Xisu dut toq bum e muzo bve ri, nganvung laizhung zuisai yung yu toq mu qom piran byvam be, tangpyang ri wumgvat zuisai ra dut le.    （Aban shi, Puqsu Munau）