Myitcau lai myitsik chung kuqlai musik panzui shigut shizhaq dvoq lo muge zuisai

Zhunggo zong byvatqit zham mu zui wang lo qo ma Yunnan lalvo sik gvuttoq lo shang

Lvomo 3 qap 19 nyi mai 20 nyi ri, Zhunggung zhvung wapdoq zung shuji , mingdan zhvungzui zau, je zhvung wapdoq zhvungzui zau Xi  Jinpyin Yunnan ma lo zhepwu lving ra. Xi gi 19 nyi nyiqui Xi Jinpyin Lijvang myuqcau ma lo zhepwu kun, hauma nyi e mingbyu wui eq hauma lo lamgvun bang eq zhvitdap dang dailvum gvun nyi ra.

Mingdan zhiwo kangmo cangpun zewang zhoq e aqum, wo gvutge dvo e situq bvunwang ri aqum, sutmu zui myvang doq lo ra ngvutzhang yvumsing zhiwo muzo ri wu, sutgan ganli ma chang lui, yvumsing diqa zong lvoqtoq ra dut le. Yunnan gi zhimu sik panzui qo mai cangpun      zewang gikgik saitoq, wo ringzhat ra dut e musik eq tangpyang gewang bo ra mu myo zuikik ra dut le. Bummyvang yomu eq laili lamgvun mu      lawan zui ringzhat mu, sutmu pau daplvuq, sutho rung ajvu zhat, mingbyu hi sut myo wang ra gvut gveq ga.

Yunnan zhiwo ga diqa dut le, mingdan kumdong ganzvang myvang mai pong mu, Nan-ya Dvungnan-ya qo ponglam e lo ra dut le. Yvumsing wuiloq gvutzhvam zhiwo ganzvang myvang shoq saidvo mu, ze dedve mu, cangpun mu, ngvapcham qanglu mu bve wumgvat zuisai gvut, zhungzhung ponglam jamzan ri sutgan ringzhat e zhatlvuq jamzan dut dvo nvang. Awui ayam mingdan ma e sutgan, zhimu, byugvung, noya mu, laili mu bve tailo byvigan bvong chunglvum qo lvoqlam, ganzvang myvang e“Minggvan wuiloq qo”gvutrot dvo gveq ga.

Yunnan cangpun mili zhaq midung le, cangpun mili ri zhe hi ma gvat lui, a lvoqten, a lvoqpyoq gvut zui ringzhat qo so mu, nganvung mingdan buiwang byinshut ma cangpun gaugau migum dvo ra dut le. Mingdan shiwa qam ri midung gvut e migum pungzhvung cuq kum dvo mu, cangpun mili kumzhup qo bingsing saisai wumgvat, sik a yuq, myibyoq byoq, wuiyoq zo bve zhin a byit qom gon ge ra dut le.Mingdan maumyi chung e gonzik mu eq cangpun mili gamgon mu coqzui ge gvut, midung zhiwo eq midung nvong lvoqjvoi ra lago gon ge gveq ga.

Yunnan amyvu myo le, mauyam amyvu zhiwo gon ge wumgvat mu, amyvu kangmo qo kangmo nyibvong lvum qo lvoqlam, byvatsik mau yam sutring mingbyu nyingon qo niknik zui wang e lo gvut, amyvu myithui, mauyam ngonding qo lago migum ge gveq ga.      (Puqsu: Mugvai)