Wap ma lusik Sikung mau Zaizo amyvu ringzhat samlik pung mai Lyangho ma Zhungfa amyvu chomqum myitwun mvoqbvan zuppong lo shui pong agvo

Xi Jinpyin zung shuji Yunnan ming ma lo zhep wu kun dai e midung dang eq amyvu mu sai zui ge ra wunwo zhe wo wunkap ra midvu, lvomo 8 qap 23 nyi, Sikung mau Zaizo amyvu ringzhat samlik pung mai “Zhungfa amyvu layvum byu zhvat ngvut e bvunwang muzo sai zui ging shang” ga dangwang hi dai lui, Lyangho ginwang ma seng-ang paqzhvi mvoqbvan zuppong lo shui pong agvo. Mau- zvang ginwang zvang ma e Zaizo amyvu ringzhat samlik pung bang eq Lyangho ginwang ma e Sam amyvu, Achang amyvu, Lisu amyvu, Deang amyvu ringzhat samlik pung bve ma e gumang nvik- dvang wui ri gvut, byudu 90 yuq myit mvoqbvan zuppong bilom   agvo.

Haunyi napjvo pong e mvoqbvan zuppong ma, seng-ang nvikbo wui mai Zhungfa amyvu layvum byu ngvut e qo, zhoang dong mai zui ge lo ra bve zhigvum nuqguq daikoq jvo gvo mai, mvoq- bvan pung bilom bang banshoq Siyen umbvo sambyvi sai ung seng eq Gvonzhang wa ma, amyvu myithui mu wo zui ge dvo qo, laili tungking gapcoq mu zui ge qo, sutgan ngun ho qo bve kat wu mvoq lving agvo.

Myintang zo gi, banshoq bang Mungyang myuqwa Bangwai wa zhe yan lo bum lui, Yunnan Yangrui piga seng mai lo girum dvo nung ma, wakau Dangmu hi-u shui she qo, amyvu myithui qo, yomu mau zuisut zuiwo qo bve lo wu lving mai, zungzo zuppong dum chom pong, wo mvoq se yu qo bve minghui lvum, lai lo be kun tunghui e yakkak mu eq tangpyang dum pong zui ra mu bve zhaq mingtoq lvum begvo. Xisu gvut chom mvoqbvan gvo mai, amyvu zhiwo ma sutgan mu zui ringzhat qo eq Zhungfa amyvu myithui rapra mu zui ge qo bve bvunwang wo cuq ging dvo begvo ngvut ra.

(Gvadem su: Pai Aiong)