Wap ma lusik Xi jiro, Mangshi laili lamgvun mugon rung eq Mangshi Zaizo amyvu ringzhat samlik pung mai, 2025 zan Zaizo amyvu laili paqzhvi zummyvi zumpo  mvoqbvan pung ong za wo pong dvom gvat begvo. Mangshi zhiwo eq maumyuq wa kang mo mai lo e byudu 80 yuq myit bo ra, yvangmoq 6 nyi chom mvoqbvan gvo lui zumhi zumshe qo wo mvoq se yu begvo.

Mvoqbvan pung pongdvom zuppong ma, zhvungzui rungwap mai sira bve ri zhiyu lakmat qom zhau byi e mai, zhe wo mvoq ge bang rire qeon byi agvo. Xida mvoqbvan pung ma le bilom mvoq e zumhi she ra bang gi, sira bve lago mvoq byi dvo a o ma, buinyi 6 nyi zuqzuq chang mvoq yu gvo lui, tangpyang ori o mili ma zumhi zumshe ra paqzhvi wo mvoqse yu begvo ngvut ra.

Xida xisu gvut mvoqbvan e mai, Mangshi zhiwo kangmo ma zum shui pong go ra byu zhe myo lvuq be, haumai Zaizo  amyvu e tungking laili migum chung jo lo qo ri gewang bo dik be. (Gvadem su nvik: Jin Konglum eq Pai Aiong   Puqbyvo su: Tan Liqin)