Wap ma lusik Lvomo 9 qap 23 nyi ri, 2025 zan Zhunggo yomu byu jvoshu ong e bvoi Yunnan ming ma midung bvoi gi Mangshi ma pong hi begvo.

Ming wapdoq mudve zau Shi Yigvang, Ming asuya Dang wapdoq mudve zau Wang Xengvang, Zhunggo samlik rung ma sira mo Zhu Yuyung, Zhunggo samlik rung ma sira mo, Ming loqgidat rung zhuxi Du Gvonben, Mau wapdoq shuji Wang Yunfui, Mau wapdoq mudve zau, mau up zau Wui Gvang, Mau wapdoq mudve zau, Mau ko- jvo rung rungzau Sun Jeq bve zuppong le zhe bilom agvo.

Napsun le 10 qing 30 minit mai gi, guqnvam huizhvoi,  guqzo muilvum ga zuppong gi, Zhipang myuqwa guqyo mo ma pong hi wang lo bigvo, pong hi zuppong ma Sam amyvu Zaizo amyvu wui e mikon zat, zingdvau chapcheng te gi ning ga yvang chom wang nyi agvo. Hau mai zuppong ma mauwa yomu zui hi-u she gungtai gvut bang gi yvangmoq e mulik zhilik ri le daijvo lui, zhe li lo mingbyu wui gi yomu zui paqzhvi ri zhaq le wo mvoq yu begvo. Haumai yomu mau huwa ze dvambyvaq zhang ma gi, sikung ma huwa wo gaitoq e ongshi dvambyvaq toq shit bum mu, byvatsik le yomu mau huwa gai isam ri wo byvam shittoq dvo be.

Dum ngvutzhang, Mangshi shiwa bang mo ma gi nganvung minggom ma huwa ze ung gaizhang sai dvo mu, minggom ma 100 yvum suthong seng bang le dvam ung bum agvo. Hau mai xi ma mingbyu wui e guqshu myinzat zuppong pong, mauwa zoze gaiqing lvum, mikon chom go ngongvun le gvut mu, le wu bang ri zhaq myo ra.

Xi da bvoi gi “ Guqzo muilvum,      nguingon igvun zoshuq ” ga ri midung wang gvut mu pong e ngvut le, xi gi Ming yomu mau mugon rung, Sikung mau asuya mai      midung gvut lui, Sikung mau yomu mau mugon rung, Mangshi myuq asuya mai mu dvezui gvut shui pong agvo, bvoi xi ma advan dvan zatbyvaq, ge e ze dvambyvaq, yomu zuizhvam wu, tungzam kojvo lvum, gai lam gvun ra gaizhang bve qom pong bum mu, myuqwa mingbyu wui guqzo mui- lvum gibu gira gvut bvoi chom wang ngon gvun nyi begvo.                (Puqsu: Laima Gammo)