Xi jiro，Yinjvang ginwang mi tungking laili eq byvatsik isam bo dik e laili dvambyvaq mu “Dekung tili bui”ga Wunbvong Zaizo e tungking wutbu wutme wut byvaq shit loqzo zui hi wang lo be. Qe-on mying wo yu su ri gi qe-on zhvunghuq ngun mun lvang byi agvo ga. Hau mu yvumsing amyvu e tungking laili ri zhvitdap e numnang wui rau chom bi lom shang.

Xi da le qinglvum mu gi Yinjvang ginwang Wunbvong Zaizo amyvu gvo lo lam lo paqzhvi byinpye pung mai uwun lui “Bvunwang a dvo- myvi, nguingon yvummau chom sai ga”xi ri midung dangwang gvut mu, Wunbvong Zaizo amyvu zo wui zhvoiyung tungking laili zhe wo shirong ge, zhe wo coq chung ge, Zhungfa byu myvu wui e tungking laili wo migum chung ge e laha zhang byvatsik qigvam mi ri chang qit shoq zhe zhvoi zhe yung zi dat sai pan toq ra midvu shui pong zui gvo ngvut le.

Nang gi wutbu wutme qup su ri ge,amyvu tungking ri zhvit su ri ge, nang zi rup e ngvutzhang, xi mi nang gvung e gat e qo rau le bi byvaq toq shit gveq.

Xi dam le muzo mi “Tungking wutbu wutme”eq “Byvatsik isam bo e wutbu wutme”i-myvu gvut gam lui byvaq qing lvum ra ngvut le. La qo gi anvam byvat mai chung jo lo e tungking laili wo byvaq toq shit, 2 qo gi ngvutzhang byvat sik isam ri bo ra dong pan sai toq shang ngvu e lazhvum ngvut ra. Dum la qo ngvutzhang shingra gom mi anvam byvat le zecau zemyi le chom dvam toq shit shang ngvu ri zhi gvat le .

Muzo xi mi mying bi gvat ra ngvutzhang kinyi mai 2026 zan lvomo 2 qap 8 nyi jiro, Yuq xang mai ri ge, zhimu byu bve ri lo yu byi gvi lvang ge, shijvam de rung mai hun gvat gvilvang ge, qing lvum mu bi lom ra ngvu rau shitjvo shang. Hi qin gve wu e mai zhezhvoi zheyung e wutbu wutme eq zhe gvung zhe gat bang gi lvomo 3 qap 10 nyi mai 11 nyi jiro, Yinjvang mi lo qing lvum ra ngvut le.

Nganvung lvunglvang bang nyuqnyun banbo yoq le Yinjvang bva mi hui zup lvum lui amyvu tungking ri chom shi-on shang!

(Puqsu: Miran Maroi Datbung sai zhvoisu: Zikong)