Wap ma lusik Lvomo 1 qap 28 nyi nap- jvo ri, Yunnan ming nambat 14 cik mingbyu gungtai zuppong nambat 4 da zuppong Kunmyin Haigen zuppong yvum ma kikdik shoq ponghi gvat be.

Xida le zuppong bilom ang e gungtai gi 620 yuq, wo zhe bilom bilom e gungtai gi 593 yuq, byudu dvira misat dvo ma zhe be.

Zuppong zhvung zui pung anum muwun suwun Wang Ning gi zuppong ponghi zhvung mu zui ra.

Xi da le zuppong ma zhvungzui ningbo gvut bang dum bo ashi gi: Lyu Hungjen, Lyu Xaukai, Zhau Yexaq, Li Xausan, Zung Goyin, Xi Byvin，Ren Junhau，Yang Yalin, Xi Changjvang, Li Zhi-myin, Dving Yenbvo, Wang Gvenje, Bai Jaxing, Li Zhenhon, Yang Zhenkun, Yang Jun, Su Yungzhung, Zhvang Zijen bve ngvut ra.

Mingdan gom tung misa bongpye wap amyvu eq zhaunoq mugon suwun wapdoq mudve zau zhuren Li Jvang gi zuppong zhvung hiyan ma le zhe zung ra.

Napjvo nali 9 qing ma Wang Ning zuppong ponghi gvat be ga, banshoq bang dvoq yap lui, Zhungfa mingbyu muhum mingdan mikon chom kon agvo.

Ming upzau Wang Yibvo gi ming Asuya ma gungtai gvut lui Asuya muzo le shitjvo ra.

Zuppong mai Yunnan ming 2025 zan le mingdan mingbyu sutgan eq Pongshingra zuisai zongko eq Pongshingra 2026 zan le mingdan mingbyu sutgan eq Pongshingra zuisai zongko, Yunnan ming 2025 zan le zhiwo sutzum ngun gve chung zongko eq 2026 zan le zhiwo sutzum ngun songve chung laigva gungtai bve ri qom byi lui zhepwu nvang agvo.

Yunanan ming nambat 14 cik mingbyu gungtai zuppong nambat 4 da zuppong paq zhvi nyan wo chom myithui dvo be.

Zuppong zhvung ma zhe zung e nvikbo wui dum bo ashi gi Zeng Yen, Zhau Junmyin, Zhen Zhungqen, Yang Byvin, Hu Dva-pung, Wang Zhen-yin, Wang Xengvang, Goq Dvajin, Yang Yang, Lyu Yung, Xi Hau, Wang Xe-qin, Li Junje, Zhau Jin, Shi Yigvang, Gvau Fung, Yang Ning, Chen Yihu, He Lyanghui, Li Malin, Ho Bvo, Tung Zhiyun, Li Xelin, Wang Yizhi, Zhvang Konshu, Zhvang Hungwui, Qin Wanmyin, Yi Zungbau, Fung Zhili, Lo Hungjvang, Zhvang Xangjun nvikbo wui, Yunnan ma le nyvidvo e jefangjun eq bilik jewap uwun bang byinchang numnang wui, zuppong ningbo pung ma gabang bve ngvut ra. (Puqsu: Muiho Mugvai)