Wap ma lusik (Yunnan ribau qanglu gva su Wang Xefui Yang Mung Zhvang Xauyi Zo Chau) Lvomo 1 qap 27 nyi napjvo, Zhunggo mingbyu tung misa bongpye zuppong Yunnan ming nambat 13 cik suwun wapdoq nambat 4 da zuppong Kunmyin Yunnan Haigen zuppong yvum ma kikdik shoq ponghi gvat be.

Zhunggo Yunnan Dang wapdoq shuji Wang Ning, Ming Dang wapdoq fushuji, Ming upzau Wang Yibvo, Ming Dang wapdoq fu shuji, Kunmyin myuq Dang wapdoq shuji Lyu Hungjen, Mingdan gom ma tung misa bongpye wapdoq amyvu eq zhaunoq mugon suwun wapdoq mudve zau zhuren Li Jvang zuppong ma le zhe kilum agvo, zuppong zhvung wapdoq ma le zhe zung agvo.

Zuppong zhvung zui zau Lyu Xaukai, Zhau Jvin, Shi Yigvang, Gvau Fung, Yang Ning, Chen Yihuq, He Lyanghui, Li Malin, Ho Bvo, Tung Zhiyun, Li Xelin, Wang Yizhi, Zhvang Konshu, Zhvang Rung- myin zuppong zhvung hiyan ma le zhe zung agvo.

Napjvo nali 9 qing ri, Zhau Jvin gi zuppong ge ponghi be ga le shitjvo gvat ra, banshoq bang chom dvoqyap lui, Zhungfa mingbyu muhum mingdan mikon chom kon agvo.

Xida zuppong ma zhe bilom ra suwun gi 617 yuq, zuppong ma wo zhe bilom e gi 562 yuq, byudu dvira misat gvegan ma zhe be.

Ming tung misa bongpye wap 13 cik 4 da zuppong muzo wo chom myithui dvo be.

Wang Ning gi Zhunggung Yunnan ming Dang wapdoq gungtai gvut lui zuppong ma kilum dang le dai ra.

Ming tung misa bongpye wap zhuxi Lyu Xaukai gi nambat 13 cik suwun wapdoq anum muwun suwun pung ma e gungtai gvut lui, zuppong ma muzo le shitjvo gvut ra. (Puqsu: Muiho Mugvai)